له‌ جامی ئه‌فریقا كاره‌سات روویدا

:: AM:11:08:25/01/2022 ‌
راپۆرته‌ رۆژنامه‌وانییه‌كان بڵاویان كرده‌وه‌، رووداوێكی نه‌خوازراو و كاره‌ساتبار له‌ جامی ئه‌فریقا و پێش یارییه‌كه‌ی كامیرۆن و كۆمۆرۆس رووی داوه‌.

تۆڕی سكای سپۆرتس شه‌وی رابردوو بڵاوی كرده‌وه‌، له‌ كاتی چوونه‌ژووره‌وه‌ی هانده‌رانی وه‌رزشی بۆ ناو یاریگه‌ی پۆل بیا بۆ بینینی یاریی نێوان كامیرۆن و كۆمۆرۆس، كاره‌سات روویدا.

سه‌رچاوه‌كه‌ ده‌ڵێت، به‌هۆی قه‌ره‌باڵغی و پاڵپێوه‌نانی یه‌كتر، هانده‌ران به‌سه‌ریه‌كدا كه‌وتوون و هه‌ندێكیان كه‌وتوونه‌ته‌ ژێر پێیان، به‌م هۆیه‌شه‌وه‌ شه‌ش هانده‌ر گیانیان له‌ ده‌ست دا و زیاتر له‌ 40 هانده‌ری تریش گواستراونه‌ته‌وه‌ نه‌خۆشخانه‌.

جێی ئاماژه‌یه‌ یارییه‌كه‌ كرا و كامیرۆن به‌ 2-1 گۆڵ بردنه‌وه‌ی تۆمار كرد، به‌مه‌ش گه‌یشته‌ قۆناغی هه‌شتی پاڵه‌وانیه‌تیی ئه‌فریقا، كه‌ هه‌ر خۆی میوانداریی كردووه‌.



وشە - ئەرسەلان عەبدوڵا