ناوچەی بارزان بۆ ئاشتەوایی کۆمەڵایەتی و سیاسیی ناوماڵی کورد ئەمڕۆ رێوڕەسمێکی نەورۆزیان بەڕێ خستووە و تیایدا چەندین چالاکی جۆراوجۆر بەڕێوە دەچێت.
ئەمڕۆ هەینی 24ی ئادار/مارس بە مەبەستی ئاشتەوایی سیاسی و کومەڵایەتی نێوان هەموو لایەنە سیاسییەکان و پێکەوەژیان بە بەشداری حەوت هونەرمەند ئاهەنگی نەورۆز لە هاوینەهەواری شانیکی سەر بە شارەدێی بلێ لە دەڤەری بارزان بەڕێوه چوو و تا ئێستەش ئەو رێوڕەسمە بەردەوامە.
رێکخەرانی ئەو رێوڕەسمە هیوای ئاشتەوایی و بەیەکەوەژیانی لایەنە سیاسیی و کۆمەڵایەتی و ئاینییەکان بۆ کوردستان دەخوازن و دەیانەوێ بەو رێوڕەسمە پەیامی خۆیان بگەیەننە سەرجەم حزب و لایەنە سیاسییەکانی هەرێمی کوردستان و داوای یەکگرتن لە هەموو لایەنەکان دەکەن.
بارزان/ نەوزاد هلوری