ئێوارەی ئەمڕۆ شەموو مەسروور بارزانی، سەرۆكی حكوومەتی هەرێمی كوردستان بە سەرۆكایەتیی شاندێك گەیشتە ئەبو زەبی پایتەختی میرنشینی یەكگرتووی عەرەبی ئیمارات و لە لایەن شێخ محەمەد بن زاید ئال نەهیان، سەرۆكی ئەو وڵاتەوە پێشوازی لێ كرا.
سەرۆكی حكوومەتی هەرێم پرسە و سەرەخۆشی لە شێخ محەمەد بن زاید و بنەماڵە و سەركردایەتی و گەلی ئیمارات كرد، هاوخەمیی خۆی پێگەیاندن بۆ كۆچی دوایی شێخ خەلیفە بن زاید ئال نەهیان سەرۆكی كۆچكردووی ئیمارات، هیوای خواست خوای مەزن گیانی بە بەهەشت شاد بكات .
هەر لەو سەردانە سەرۆكی حكوومەت پیرۆزبایی لە شێخ محەمەد بن زاید كرد بە بۆنەی هەڵبژاردنی بە سەرۆكی نوێی ئیمارات و هیوای سەركەوتنی بۆ خواست.