هێربێرت هاینەر سەرۆکی یانەی بایرن میونشنی ئه‌ڵمانی، لە بارەی داهاتووی رۆبێرت لێڤاندۆڤسکیی یاریزانی یانه‌كه‌ی قسه‌ی یه‌كلاكه‌ره‌وه‌ی كرد.
گرێبه‌ستی هێرشبه‌ره پۆڵەندییه‌كه لەگەڵ یانه‌ی بایرن میونشن لە هاوینی 2023 کۆتایی دێت و یانه‌كه‌ش هه‌وڵی نوێكردنه‌وه‌ی گرێبه‌سته‌كه‌ی نه‌داوه.
لێڤاندۆڤسکی ئارەزووی رۆیشتنی لە یانەی بایرن میونشن راگەیاندووه و چەند راپۆرتێکیش باس لەوە دەکەن هێرشبەرە پۆڵەندییەکە پێشتر رێککەوتنی لەگەڵ یانەی بارسێلۆنا كردووه، كه هاوینی ئه‌مساڵ بچێته ئیسپانیا.
هاینەر لە لێدوانێکدا، کە ڕۆژنامەی ئیسپانی "موندۆ دیپۆرتیڤۆ" ئاماژەی پێ کردووە، ده‌ڵێت: "ڕۆبێرت لێڤاندۆڤسکی ساڵ لە دوای ساڵ ژمارەیەکی سەرنجڕاکێشی گۆڵ تۆمار دەکات، بۆچی دەبێت ده‌ستبه‌رداری بیت".
گوتیشی: "هیچ یاریزانێکی جێگرەوە نییە بۆ لێڤاندۆڤسکی، کەسیش بە بەردەوامی گۆڵێکی زۆر ناکات، چەند جارێکیش گوتومە لیڤا تا مانگی حوزەیرانی 2023 گرێبەستی له‌گه‌ڵ ئێمه‌دا هەیە و تا کۆتایی گرێبەستەکەی دەمێنێتەوە".
لە کۆتاییدا گوتی: ئەو ناوانەی کە بایرن چاودێرییان دەکات لە مێرکاتۆ، یەکێکیان سادیۆ مانێیە، ئێمە بە دوای یاریزاندا دەگەڕێین لە ته‌واوی مێرکاتۆدا، هەروەها هەموو هەوڵێک دەدەین بۆ پێکهێنانی تیپێکی ركابه‌ر بۆ بردنه‌وه‌ی نازناوه‌كان".