پشتی کو گلەیێن زۆر ل کوالێتیا پانزینێ ل سنورێ پارێزگەها دهۆکێ هاتیەکرن، دوهی چەند لژنە بو دوڤچون ل سەر کوالێتی و جورێ پانزینێ هاتە پێکئینان و ئەڤرۆ چوار پانزینخانە هاتنە گرتن.
دوهی ب بریارا پارێزگارێ دهۆکێ شەش بریار ل سەر دوڤچونا کوالێتیا پانزینێ و زێدەکرنا وێ و دادپەروەردی د دابەشکرنا پانزینا دا هاتنە دەرکرن و چەند لژنە ژی هاتنە پێکئینان، هەر ژ دوهی هەتا نوکە دوڤچون ل سەر پانزینخانێن دهۆکێ دهێتە کرن.
ب گورەی پێزانینێن وشە کو ژ سکرتاریەتا پارێزگارێ دهۆکێ هاتیە وەرگرتن، ئەڤرۆ چوار پانزینخانێن سنورێ پارێزگەها دهۆکێ ژبەر کوالێتیا خراپ یا پانزینێ هاتنە گرتن و سزادان، هوشداری ب هژمارەکا دن هاتەدان داکو ب شێوەیەکێ راست و دروست و باشتر کارێ خوە بکەن.
ل سنورێ پارێزگەها دهۆکێ ژبەر رێژەییا زۆر یا ئاوارە و پەنابەران، پشکا پانزینێ یا دهێتە تەرخانکرن کێمە و داخواز دهێتەکرن کو زیدەتر بۆ دهۆکێ بهێتەدان.
دهۆک، نەوزاد هلۆری: