بەهۆی
بوونی كێشەی تەكنیكی فڕۆكەیەكی ئەمریكا لە سنوری پارێزگای هەولێر دەكەوێتە خوار و هیچ
زەرەرێكی گیانی نەبووە .
پێگەی
(شەفەق نیوز) لە زاری سەرچاوەیەكی ئاسایشی هەولێر ڕایگەیاندوە كە ئەمڕۆ فڕۆكەیەكی بێفڕۆكەوانی
هێزەكانی ئەمریكا كەوتۆتە خوارەوە هیچ زیانێكیشی نەبووە .
ئەوەشی
ئاشكرا كردوە كە فڕۆكەكە بەهۆی كێشەی تەكنیكی كەوتۆتە خوار و تیمێكی ئەمریكی و هێزەكانی
ئاسایش گەیشتوونەتە شوێنی ڕوداوەكە و هیچ زیانێكی گیانی نەبووە .
بە گوێرەی
ئەو زانیاریانەی دراون بە "وشە" فڕۆكەكە لە سنوری شارەدێی دارەشەكران كەوتۆتە
خوار و دەنگی تەقینەوە نەبیستراوە و دووكەڵی سوتانیشی نەبینراوە، هەروەها لەلایەن ڕێكخراوەكانی
كەمپی دارەشەكران دڵنیایی درا كە دانیشتوانی كەمپەكە سەلامەتن .
سیبان
سەلیم بارزانی بەرپرسی یەكێك لە ڕێكخراوەكانە كە كۆمەك و یارمەتی بۆ ئاوارەكانی كەمپی
دارەشەكران دابین دەكات بە "وشە"ی ڕاگەیاند " سەرجەم ئاوارەكانی كەمپەكە
سەلامەتن ئەو هەواڵانەی باس لە بوونی زیان ئەكەن كە فڕۆكەكە لە كەمپەكە كەوتۆتە خوار
دورن لە ڕاستی ئێمە ئاگادار نینە ".
كەمپی
دارەشەكران لە ساڵی 2012 دروستكراوە 4 هەزار پەنابەری سوریای لێنیشتەجێبوە دەكەوێت
باكوری شاری هەولێر لەلایە ڕێكخراوەكانی هاوكاری مرۆیی یارمەتی دەدرێن، پێشتریش فڕۆكەیەكی
بێفڕۆكەوانی ئەمریكی لەسنوری پارێزگای هەولێر كەوتۆتە خوار.
وشە/ رامیار جەواد