میدیاكانی ئیسرائیل ئاشكرایان كردووە، خولی كۆتای دانوستانە نهێنییەكانی ئیسرائیل و ئەڵمانیا بۆ كڕینی سێ ژیردەریایی كە توانای هەڵگرتن و هاویشتنی مووشەكی ئەتۆمی هەیە، بە كۆتا گەیشتووە.
رۆژنامەی ئۆرشەلیم پۆستی ئیسڕائیلی و رۆژنامەی معاریۆ لە دوو راپۆرتی جیاوازدا ئاماژەیان داوە، چەند مانگ لەمەوبەر دانوستانەكانی ئیسڕائیل و ئەڵمانیا بۆ كڕینی سێ ژێردەریایی دەستی پێ كرد و كۆتای هەفتەی هەفتەی رابردوو رێك كەوتن بەوەی ئەڵمانیا سێ ژێردەریایی بە ئیسڕائیل بفرۆشێت كە توانای هاویشتنی مووشەكی ئەتۆمیان هەیە.
بەرپرسانی سەربازی و سیاسیی هەردوو وڵات لەو دانوستانەدا بەشدارییان كردووە و بڕیارە و بڕیارە حەوتی تشرینی دووەم/نۆڤەمبەر شاندێكی باڵای ئیسڕائیل سەردانی بەرلین بكەن و رێكەوتنەكە ئیمزا بكرێت.
بەهای هەریەك لەو كەشتییە ژێر دەریایییانە 650 ملیۆن دۆلارە، بەڵام ئەڵمانیا هەرسێكیان بە ملیارێك و 300 ملیۆن دۆلار دەدات بە ئیسڕائیل.
بەرپرسێكی تەناهیی وەزارەتی بەرگریی ئیسڕائیل بە رۆژنامەی ئۆرشەلیم پۆستی راگەیاندووە، ئەو ژێردەریایییانە دەبن بە باسكی بەهێزی ئیسڕائیل لە بەرامبەر كۆماری ئیسلامیی ئێراندا.
سەرچاوە/ دەنگی ئیسڕائیل