خانمانى هه‌ڵه‌بجه‌ نمایشى به‌رهه‌مه‌ ده‌ستییه‌كانیان ده‌كه‌ن

 بڕیاره‌ ڕۆژانى هه‌موو چوارشه‌مێك له‌ هه‌ڵه‌بجه‌ هه‌فته‌ بازاڕێك بۆ فڕۆشتنى كاڵای ده‌ستكرد و چنراو و درووستكراوى خانمانى شاره‌كه‌ بكرێته‌وه‌.

ئه‌م پڕۆژه‌یه‌ بیرۆكه‌ى ده‌سته‌ى خانمانى هه‌ڵه‌بجه‌یه‌، حوسنا هه‌ورامى وه‌ك به‌شداربوویه‌كى بازاڕه‌كه‌ به‌ وشه‌ى گوت، پڕۆژه‌كه‌ له‌ هه‌شتى مارسه‌وه‌ كارى پێ ده‌كرێ و ئێسته‌ چووه‌ته‌ بوارى جێبه‌جێكردنه‌وه‌.

زیاتر گوتی، هیواداریین ئه‌و پڕۆژه‌ به‌رده‌وام بێت و كار بۆ بازاڕگه‌رى گه‌وره‌ تریش بۆ ئافره‌تانى ناوچه‌كه‌ بكرێت.

شایه‌نی باسه‌ ناوچه‌ی هه‌ڵه‌بجه‌ و هه‌ورامان به‌گشتی یه‌كێكن له‌و ناوچانه‌ی كوردستان به‌ كاری ده‌ستی و به‌رهه‌می ده‌ستكرده‌وه‌ به‌ناوبانه‌گن، ئه‌وه‌شی وای كردووه‌ كه‌ بره‌وی زیاتر به‌و كارانه‌ بدرێت بوونی زۆرینه‌ی ئه‌و ناوچانه‌یه‌ وه‌ك ناوچه‌ی جوانی گه‌شتیاری كه‌ ساڵانه‌ هه‌زاران كه‌س روویان تێ ده‌كات.

محمد میران 



وشە - مه‌حموود ئیسماعیل


PM:07:13:19/04/2017




ئه‌م بابه‌ته 869 جار خوێنراوه‌ته‌وه‌‌



زۆرترین خوێنراو‌
بابەتی پێوه‌ندار ‌