دواکەوتنی موچەی مانگی شوباتی پۆلیسی بەرگری و فریاکەوتن چارەسەر
دەکرێت و سەرەتای ئەو ھەفتەیە دەست بە دابەشکردنی موچەکانیان دەکرێت.
بەگوێرەی لیستی موچەی فەرمانبەرانی حکومەتی هەرێم بڕیار بوو 15ی نیسان پۆلیسی بەرگری و فریاکەوتن
مووچەکانیان وەربگرن بەڵام بەهۆی چەند لە وەزارەتی دارایی پێدانی مووچە بەو توێژە
دوا کەوت و بڕیارە سەرەتای ئەو هەفتەیە مووچەکانیان دابەش بکرێت.
وەزارەتی دارایی لەبارەی دواکەوتنی مووچەی مانگی
شوباتی پۆلیسی بەرگری و فریاکەوتن تەنیا ئەو روون کردنەوەیەی دا کە چەند گرفتێکی
تەکنیکی درووست بووە و ئێستەیش پارەی تەواو بۆ موچەی مانگی شوباتی فەرماندەیی
بەرگری و فریاکەوتن نێردراوە و لە گەنجینەکانیشەوە چەکیان بۆکراوە، بڕیاریشە لە
دوو رۆژی داھاتوودا دەست بە دابەشکردنی موچەکانیان بکرێت.
ئەردەلان محەمەد، بەڕێوەبەری گەنجینەی دووی سلێمانی بۆ میدیاکان ئاشکرای
کردوە، کێشەکەی پۆلیسی بەرگری و فریاکەوتن بەرەو چارەسەربوون دەڕوات و لەڕۆژی
یەکشەمی داهاتوو موچەکانیان پێدەدرێت.