دابه‌شكردنى مووچه‌ى مانگى شووباتى فه‌رمانبه‌رانى هه‌رێمى كوردستان به‌رده‌وامه و سبه‌ى پێنجشه‌م ژماره‌یه‌كى تر له وه‌زاره‌ته‌كانى حكوومه‌تى هه‌رێمى كوردستان مووچه وه‌رده‌گرن.
به‌پێى خشته‌ى دابه‌شكردنى مووچه‌ى فه‌رمانبه‌رانى هه‌رێمى كوردستان كه وه‌زاره‌تى دارایى و ئابوورى حكوومه‌تى هه‌رێمى كوردستان بڵاوى كردووه‌ته‌وه، ڕۆژی پێنجشه‌م 27ى نیسانى 2017، مووچه‌ی مانگی شووباتى وه‌زاره‌ته‌كانی شاره‌وانی و گه‌شتوگوزار و كشتوكاڵ و سه‌رچاوه‌كانی ئاو دابه‌ش ده‌كرێت.
جێگه‌ى بیرهێنانه‌وه‌یه، دابه‌شكردنى مووچه‌ى مانگى شووباتى فه‌رمانبه‌ران تا 30 نیسانى 2017 به‌رده‌وام ده‌بێت.