لەسەرەتای ئەم هەفتەیەی بازاڕی بۆڕسەوە کە رۆژانی دووشەم دەست پێ دەکات نرخی نەوت لە دابەزیندایە و سەرووی دوو دۆلار نرخی دابەزیوە.
رۆژی دووشەم نرخی نەوت لە نزیک ٥٢ دۆلارەوە دابەزی بۆ ٥١ دۆلار و ٣٦ سەنت، دوێنێ سێشەم نرخەکە شۆڕبوویەوە بۆ ٥٠ دۆلار و ٢٠ سەنت و ئەمڕۆ چوارشەمیش نرخەکەی دابەزیوە بۆ ٤٩ دۆلار و ٩٣ سەنت کە نزمترین نرخییەتی لەماوەی سێ هەفتەی رابردوودا.
بەرزبوونەوەی بڕی بەرهەمهێنانی نەوتی خاو لە ئەمریکا و نێیجریا بە گرنگترین هۆکاری ئەو دابەزینەی نرخی نەوت هەژمار دەکرێن. بەپێی دوایین راپۆرتی کۆگاکردنی نەوتی ئەمریکا بڕەکە چوار ملیۆن و ٨٠٠ هەزار بەرمیل زیادی کردووە.
هاوکات بازاڕی نەوت چاوی بڕیوەتە نرخی دۆلار و لە دوو رۆژی رابردوودا نرخی دۆلار گەیشتووەتە بەرزترین ئاستی لە ماوەی نۆ مانگی رابردوودا. پێشبینی کراوە نرخی نەوت تا ٤٩ دۆلار داببەزێت.
سەرچاوە/livechart—-رۆیتەرز