ریال مەدرید زراوی لە یۆڤانتۆس چووە
راهێنەری ناوداری ئیتاڵی فابیۆ كاپێلۆ رایگەیاند كە یانەی ریال مەدریدی ئیسپانی ترسی زۆری لە یانەی یۆڤانتۆس هەیە لە یاریی كۆتای خولی یانە پاڵەوانەكانی ئەوروپا.
هەردوو یانەی یۆڤانتۆس و ریال مەدرید رۆژی 3ی مانگی داهاتوو لە یاریی كۆتای خولی یانە پاڵەوانەكانی ئەوروپا لە شاری كاردیفی ویڵز رووبەڕووی یەكتر دەبنەوە.
كاپێلۆ لەبارەی یارییەكە بۆ وارگەی (فۆكس سپۆڕت)ی ئیتاڵی گوتی: یانەی ریال مەدرید زراوی لە یاریی كۆتای خولی یانە پاڵەوانەكان بەرامبەر یانەی یۆڤانتۆس چووە.
زیاتر گوتی: پرسیاری زۆریان لێ كردووم سەبارەت بەوەی بۆچی تا ئێستا یانەی یۆڤانتۆس گۆڵی نەخواردووە، منیش وەڵامم داونەتەوە كە هێشتا هیچیان سەبارەت بە هێڵی بەرگری یانەی یۆڤانتۆس نەزانیوە و چاوەڕێی یاریی كۆتابن و یارییەكە زەحمەتتریش دەبێت.
ئەو راهێنەرەی پێشووی یانەی یۆڤانتۆس و ریال مەدرید هەروەها گوتی: باشترین خاڵی سەركەوتووی یانەی ریال مەدرید بوونی كریستیانۆ رۆناڵدۆی ئەستێرەی پورتوگالییە، چونكە ئەو باشترین هێرشبەر و گۆڵكاری جیهانە.
وشە -
ئامانج ئه‌كره‌م