بەهۆكاری خراپی دۆخی تەناهی و نەپاراستنی گیانی هاوڵاتیان،
دانیشتووانی شارۆكەی شارەبان و چەند گوندێكی دەورووبەر رێگەی هاتوچۆی نێوان هەرێم و
بەغدایان داخست و داوای لادانی بەرپرسانی هێزەتەناهیەكانی ناوچەكەیان كرد كە شیعە مەزەبن.
دانا محەمەد یەكێك لە شۆفێرەكانی هیڵی بەغدا بۆ
کوردستانە و بۆ "وشە" ئاماژەی دا بەستنی رێگای نێوان هەرێم و بەغدا بۆ ماوەی
زیاتر لە چوار سەئات ئەوانی پاش خست و دواتر بە تكایەكی زۆر رێگەی چونیان پێدرا بۆ
بەغدا، هەتا ئێستەیش رێگە لە دەیان ئۆتۆمبێلی بارهەڵگر گیراوە و ناتوانن بگەڕێنەوە
ناو کوردستان.
مەحمود خەلیل وەک نوێنەری خۆپیشاندەران لەپەیوەندیكەدا
بۆ " وشە" ئاماژەیدا، یاداشتیان ئاراستەی پارێزگاری دیالە كردووە بۆ ئەوەی
بەرپرسانی تەناهی ناوچەكەیان و فەرماندەی پۆلیسی دیالە بگۆڕێن چونكە نایانهەوێ گیانی
هاوڵاتیان بپارێزن .
زیاتر روونی دەکاتەوە، سەرباری هێزەكانی حەشدی شەعبی،
تەواوی بەرپرسانی سوپا و پۆلیس لە مەزهەبێكی دیاریكراو پێكهاتوون و خەڵكی ناوچەكەش
نین بۆیە ئەوە هۆكارێکی سەرەکییە ئەوان زۆر دڵسۆزی ناوچەكە نەبن.
ئەگەرچی بەرپرسانی حەشد و پۆلیس لەسەر ئەو رووداوە
لێداونیان نەدا، بەڵام موسەنا عەلی پارێزگاری دیالە، لە پەیوەندیەكەدا بۆ "وشە"
رایگەیاند، داواكاری خۆپیشاندەران بەهەند وەردەگرین و داوامان كردوە داواكاریەكانیان
بەخاڵ بنێرن بۆمان.
پارێزگاری دیالە ئاشکرای دەکات، هێزی تایبەت رێگاكەی
كردۆتەوە و خۆپیشاندانەكە بەرەو كۆتای دەچێو لەبارەی گۆڕینی بەرپرسانی سەربازی لەو ناوچەیە
ئامادە نەبوو هیچ روونکردنەوەیەک بدات.
گەرمیان / سەبری هۆرینی