سهرۆكی ههرێمی كوردستان له كۆنگرهیهكی رۆژنامهوانی هاوبهشدا لهگهڵ سهرۆكی هاوپهیمانی نیشتمانی عێراق، ڕای دهگهیهنێ كه پێشمهرگهی كوردستان له شهڕی دژ به داعش بهشداره تا مووسڵ و ناچێته ناو شارهكهوه، ئاماژهی بهوهش دا رێككهوتووین كه لێژنهی هاوبهش له نێوان ههرێم و ناوهند پێك بهێنرێ بۆ چارهسهركردنی تهواوی كێشهكان.
ئهمڕۆ پێنجشهم، له كۆنگرهیهكی ڕۆژنامهوانیدا له نێوان مهسعوود بارزانی سهرۆكی ههرێمی كوردستان و عهمار حهكیم سهرۆكی ئهنجوومهنی باڵای ئیسلامی و چهند بهرپرسێكی سهربازیی عێراقی و كوردستانی، بارزانی ڕای گهیاند: ناتوانین هیچ كاتێك بۆ ئازادكردنهوهی شاری مووسڵ دیاری بكهین و ههماههنگیی تهواو لهنێوان هێزهكانی دژ به داعش ههیه.
له درێژهی گوتهكانیدا كه له میحوهری "خازر" لهناو هێزی پێشمهرگهی كوردستان كۆنگرهكه سازكرا، بارزانی گوتی: پێشمهرگهی كوردستان بهشداره له شهڕی ئازادكردنهوهی مووسڵ و هێزێكی كاریگهری شهڕهكهیه، بهڵام ناچێته ناو شاری مووسڵهوه.
له وهڵامی پرسیارێكیشدا سهبارهت به پلانی ئهمهریكا بۆ پێشمهرگه، بارزانی به توندی وهڵامی دایهوه كه كورد شهڕ بۆ خۆی دهكات نهوهك بۆ ئهمهریكا، گوتیشی: ئێمه سوپاسی ئهمهریكا دهكهین كه هاوكارمانه، بهڵام كورد شهڕ بۆ خۆی دهكات.
لای خۆیهوه، عهمار حهكیم سهرۆكی ئهنجوومهنی باڵای ئیسلامی عێراق و سهرۆكی هاوپهیمانی نیشتمانی شیعه، سوپاسی سهرۆكی ههرێمی كوردستان و پێشمهرگهی كرد كه پێشڕهوییهكانیان بهردهوامه و گوتی: داعش بووه هۆكاری یهكگرتنهوهی عێراقییهكان له كاتێكدا وای دهزانی دهبێته هۆی لێكترازانی زیاتر.
ئهوهشی خسته ڕوو كه سهردانی بارزانی بۆ بهغدا، زۆر سهركهوتوو بوو، ئهم ههماههنگییهی ئێستهش له ئهنجامی ئهو سهردانهیه.
ڕۆژی 29ی ئەیلول/سێپتەمبەر، شاندێكی باڵا بە سەرۆكایەتیی مەسعوود بارزانی سەرۆكی هەرێمی كوردستان چوونە بەغدا و لهوێ گفتوگۆیان لهسهر كێشهكانی نێوان عێراق و ههرێمی كوردستان كرد و بارزانی ئهو كات ڕای گهیاند كه سهردانێكی سهركهوتوو بووه.
عهمار حهكیم سهبارهت بهوهی كه كێ بهشداری شهڕی داعش دهكات، گوتی: ئهوه عێراقییهكان خۆیانن بڕیار دهدهن، ئێمه بڕیار له كهس وهرناگرین كه كێ بهشدار بێت و كێ بهشدار نهبێت.
رۆژی 10ی حوزەیران/یۆنیۆی 2014 دوای ڕاكردنی نزیكەی 60 هەزار چەكدار لە چوار فیرقەی سەربازی سوپای عێراق و پۆلیسی ناوخۆیی شارەكە، تەواوی شاری مووسڵ كەوتە دەستی تیرۆریستانی داعش و پاش ئەوەی شارەكە داگیر كرا، ئەبوبەكر بەغدادی سەرۆكی رێكخراوی تیرۆریستی داعش لە مزگەوتێكی مووسڵ پەیامی بڵاو كردەوە و پاشان تیرۆریستان بەرەو ناوەڕاست و باشووری عێراق پێشڕەوییان كرد.
لە سەرەتاكانی مانگی ئاب/ئۆگستسی 2014، تیرۆریستان بەرەو كوردستان گەڕانەوە و پەلاماری ناوچە كوردستانییەكانیان دا بەرەو هەولێر هاتن و شارۆكەی مەخموور و گوێڕیان كۆنتڕۆڵ كرد، بەڵام لە شەوی 10 ئاب/ئۆگستسی 2014، فڕۆكە جەنگییەكانی ئەمەریكا هاتنە وەڵام و یەكەم بۆردمانیان لە مەخموور و گوێڕ بۆ سەر تیرۆریستان ئەنجام دا.
رۆژی دووشەم 17 تشرینی یەكەم/ئۆكتۆبەر لە درەنگانی شەودا حەیدەر عەبادی سەرۆك وەزیرانی عێراق دەستپێكی هەڵمەتی رزگاری شاری مووسڵی ڕاگەیاند و بۆ بەیانییەكەی هێزی پێشمەرگە لە میحوەری خازر دەستیان بە پێشڕەوی كرد و توانییان تا نیوەڕۆ نۆ گوند لە تیرۆریستان پاك بكەنەوە ، هاوكات لە میحوەری گوێڕ-مەخموور و میحوەری گەیارەش هێزەكانی عێراق پێشڕەوییان كرد و هەڵمەتەكان لایەن هێزەكانەوە رۆژ دوای رۆژ بەردەوام دەبن و بازنەی گەمارۆدانی تیرۆریستان لە مووسڵ سات دوای سات بچووكتر دەبێتەوە.
مووسڵ دووەم گەورەترین شاری عێراقە و یەكێكە لە شارە مێژوویییە بەناوبانگەكانی ناوچەكە و بەگوێرەی ئاماری 2013 ژمارەی دانیشتووانی، زیاتر لە دوو ملیۆن كەس دەبێت و هەریەك لە پێكهاتەكانی عەرەبی سونە و كورد و توركمان و مەسیحی و كوردانی ئێزیدی و شەبەك تێیدا نیشتەجێن، زێی دیجلە بەنێو شارەكە تێپەڕ دەبێت و كردوویەتی بە دوو بەشەوە و بە بەشی ڕاست و چەپی شارەكە ناوزەد كراوە.