جێگری وەزیری دەرەوەی رووسیا رای دەگەیەنێت كە ئەگەری زۆرە كە ئەبوبەكر بەغدادی سەركردەی رێكخراوی داعش لە بۆردمانێكی ئاسمانی رووسیا لە سووریادا كوژرا بێت.
ئۆلیگ سیرۆمۆلۆتۆڤ رای گەیاند كە بەپێی زانیارییەكانی وەزارەتی بەرگری رووسیا ئەگەرێكی زۆر هەیە و دەتوانین بڵێین كە بەغدادی لەو هێرشەدا كوژراوە و رای گەیاند كە بەپێی زانیارییەكان سەركردەی داعش لە بۆردمانی فڕۆكە سەربازییەكانی رووسیا بۆ بارەگەی سەركردایەتی داعش لە گەڕەكێكی شاری رەقە لە كۆتای مانگی ئایاری رابردوو كوژراوە و تا ئێستەش لێكۆڵینەوە لەوبارەوە دەكرێت.
هەفتەیەكە وەزارەتی بەرگری رووسیا رای گەیاند كە ئەگەری زۆر هەیە بۆ كوژرانی ئەبوبەكر بەغدادی سەركردەی رێكخراوی داعش لە بۆردمانێكی ئاسمانی رووسیا لە باشووری شاری رەقەی سووریا، لەو كاتەی هاوپەیمانی نێودەوڵەتی دژ بە داعش رای گەیاند كە ناتوانن لەو راگەیاندنەی رووسیا دڵنیاببنەوە.