بڕیارە ئەمڕۆ هەینی سه‌ركردایه‌تی هاوبه‌شی
یه‌كێتی نیشتیمانیی کورستان و بزووتنەوەی گۆڕان لەسەر کۆمەڵێک پرسی ناوخۆیی کۆ ببنەوە.
حاكم قادر حه‌مه‌جان كارگێڕی مه‌كته‌بی
سیاسی یه‌كێتی نیشتیمانیی كوردستان بە میدیاکانی حزبەکەی گوتووە سه‌ركردایه‌تی هاوبه‌شی
یه‌كێتی و گۆڕان له‌شاری سلێمانی كۆ دەبنەوە. ئەو ئاماژەی بەوە نەکردووە
کۆبوونەوەکە تایبەت بە چ پرسێک دەبێت، بەڵام ئەوەی خستووەتەڕوو کە بەمەبەستی تاووتوێكردنی
دواپێشهاته‌كانی هه‌رێمی کوردستان و عیراق و ناوچه‌كه كۆدەبنەوە.
پێویستە بگوترێت یەکێتی و بزووتنەوەی
گۆڕان رێککەوتنی هاوبەشیان لە رابردوودا واژوو کردووە و پێدەچێت یەکێک لە
تەوەرەکانی گفتوگۆ پێداچوونەوە بەسەر پێوەندییەکانیان و چۆنیەتی جێبەجێکردنی
رێککەوتنەکەیان بێت.
یەکێتی نیشتیمانی کوردستان پاڵپشتی لە
ریفراندۆم کردووە بەڵام گۆڕان دژی وەستاوە و لەوانەیە پرسی ریفراندۆمیش گرنگترین
باسی کۆبوونەوەکەیان بێت.
حه‌وتی حوزه‌یران/یۆنیۆی 2017 له كۆبوونه‌وه‌ی
مه‌سعوود بارزانی سه‌رۆكی هه‌رێمی كوردستان له‌گه‌ڵ لایه‌نه سیاسییه‌كان و حكوومه‌تی
هه‌رێم و كۆمیسیۆنی باڵای هه‌ڵبژاردنه‌كان، رۆژی 25ی ئه‌یلوول/سێپتێمبه‌ری داهاتوویان
وه‌ك رۆژی ریفراندۆمی كوردستان بۆ "مانه‌وه یان جیابوونه‌وه له عێراق"
دیاری كرد، به‌ڵام هه‌ریه‌كه له بزووتنه‌وه‌ی گۆڕان و كۆمه‌ڵی ئیسلامی به‌شداریان
نه‌كرد.