یەك رۆژ بەر لە جەژن، دۆڵاند ترەمپ سەرۆكی ئەمەریكا پیرۆزبایی بۆ سەرجەم مسوڵمانانی دنیا نارد، لەكاتێكدا ئیدارەی ئەو سەرۆكە ئەمساڵ ئامادە نەبوو ئاهەنگی جەژنی رەمەزان ساز بكات و پیرۆزبایی بنێرێت.
پێگەی "ئیلاف" بڵاوی كردەوە كە دوێنێ شەموو سەرۆكی ئەمەریكا پیرۆزبایی بەبۆنەی جەژنی رەمەزانەوە بۆ مسوڵمانانی دنیا نارد و تێیدا سڵاوی گەرمی بۆ ناردن.
پێگەكە روونی كردووەتەوە كە ساڵانە ئیدارەی ئەمەریكا پیرۆزبایی بۆ مسوڵمانان دەنێرێت و هاوكات ئاهەنگی جەژن ساز دەكات، بەڵام ئەمساڵ ئیدارەی ترەمپ ئەو ئاهەنگەی ساز نەكرد.
لە پەیامەكەی ترەمپدا هاتووە، "بەناوی خۆم و میلانیا، سڵاوی گەرمی خۆمان دەنێرین بۆ سەرجەم مسوڵمانانی دنیا بەبۆنەی جەژنی رەمەزانەوە، بە هیواین ئەم جەژنە ببێتە مایەی خۆشی و چاكەكاری بۆ سەرجەم مرۆڤایەتی".