هاووڵاتیانی گوندی باڵندەی سەر بە دەڤەری بارزان وەكو
نەریتێكی ساڵانە بەیانی جەژن لە مالێك كۆدەبنەوە و بەیەکەوە خواردنی جەژن دەخۆن و دواتر
ماڵ بە ماڵ دەگەڕێن و لوقم و شیرینی بەسەر یەكتردا دابەش دەكەن.
وەحید محەمەد سەید هاووڵاتییەكی گوندی باڵندەیە و
بۆ "وشە" رای دەگەیەنێت، ئەمرۆ سەرجەم دانیشتوانی گوندی باڵندام لە ماڵەوە بۆ خواردنی بەیانی بانگهێشت کردبو كە ئەویش
خواردنی قەلی و نیسك و چەند شتێكی بو.
زیاتر دەڵێ، پێشتر هەڵبژێری گوند ئەم كارەی كردووە،
بەڵام لە ئێستەدا گۆڕانکاری بەسەردا هاتووە و هەر جەژنێك هاووڵاتییەك ئەوەی توانای
هەیە دانیشتوانی گوند بانگهێشت دەكات.
حاجی ئەحمەد باڵندی ئەویش بۆ "وشە"
دەدوێت و ئاسکرای دەکات، ماوەی زیاتر لە 60 ساڵە بە شێوەیەكی بەردەوام هەموو دانیشتوانی
گوند لە ماڵێك كۆدەبنەوە بۆ خواردن و خواردنەوەی بەیانی و دواتر هەموان بە یەكەوە بە
شێوەی كۆمەڵ ماڵ بە مال دەگەێێن و جەژن لە یەكتر پیرۆز دەكەن ، هیوادارم ئەو جەژنە
بببێتە هۆكارێك بۆ لەیەک نێزیكبووەنەوەی هەمو لایەنە سیاسییەکان و هەموان پێكەوە بەشداری
لە پرۆسەی ریفراندۆم بۆ سەربەخۆیی كوردستان بكەن.
گوندی باڵندە دەكەوێتە سەر رووباری ئاڤا شین و بە
دووری 50كم دەكەوێتە رۆژئاوای گوندی بارزانی سەر بە شارۆكەی مێرگەسوور.
بارزان / نەوزاد هلۆری