دوو كچی تری ئێزدی رزگار كران


ئەمڕۆ لە هەڵمەتێكدا دوو كچی تری ئێزدی لەژێر دەستی داعش رزگاركراون و ئەوان گەیشتنەوە شاری دهۆك لە نێو كەسوكارەكانیاندا.

حوسێن قائیدی بەڕێوەبەری نووسینگەی رزگاركراوەكانی ئێزدی سەر بە حكوومەتی هەرێمی كوردستان بە "وشە"ی ، راگەیاند ، ئەمرۆ 16ی تەمووز دوو كچی تری ئێزدی لەژێر دەستی داعش رزگاركراون و گەیشتنەوە شاری دهۆك و رادەستی كەسوكارەكانیان كرانەوە.

زیاتر گوتی، ئەو دوو كچە بەناوەكانی "زەینەب" و "نازدار" بوون كە تەمەنیان لە نێوان 12 و 13 ساڵان بوو و خەڵكی گوندی "شێخ خدر" بوون كە گوندێكی سەربە شارۆكەی شنگالە، ئەوان ماوەی سێ‌ ساڵە لەژێر دەستی داعشدان و بە هەوڵ و كوششێكی زۆر بە هاوكاری چەند خێرخوازێك توانیمان رزگاریان بكەین، دووپاتی كردەوە كە هەوڵەكانمان بەردەوام دەبێ تا هەموو رەفێنراوەكانی ئێزدی رزگار دەكرێن.

تا ئێستە نزیكەی سێ‌ هەزار  و 300 كەس لە كچ و ژن و منداڵ و پیر و پەككەوتەی ئێزدی لەژێر دەستی داعش رزگار كراون، بەڵام زیاتر لەو ژمارەیە رزگار نەكراون و تا ئێستە چارەنووسیان بە نادیاری ماوەتەوە.

دهۆك/ نەوزاد هلۆری



وشە - مه‌حموود ئیسماعیل


PM:06:58:16/07/2017




ئه‌م بابه‌ته 1333 جار خوێنراوه‌ته‌وه‌‌