لە كۆنگرەی شەشەمی
حزبی شیوعی كوردستان كە ماوەی سێ ڕۆژ لەشاری هەولێر بە ئامادەبوونی 200 ئەندامی كۆنگرە
بەردەوام بوو تیایدا سەركردایەتیەكی نوێیان بۆ حزب هەڵبژاردوو ئەمڕۆ دووشەمم، ئەم سەركردایەتیە
كۆمیتەی ناوەندی هەڵبژارد و سكرتێری نوێیش لەلای ئەم كۆمیتەیە هەڵبژاردرا .
كاوە محمود بە
سكرتێری نوێی حزبی شیوعی كوردستان هەڵبژێردرا بە دەنگدانی كۆمیتەی ناوەندی بۆ ئەم مەبەستە
"وشە" پەیوەندی بە هندرێن ئەحمەد گووتەبێژی كۆنگرە كرد ناوبراو ڕەتی نەكردوە
بەڵام ڕایگەیاند كە ئەمشەو لە كۆنگرەیەكی ڕۆژنامەنووسیدا دەرئەنجامی كۆنگرەكە ڕادەگەیەنین
.
حزبی شیوعی كوردستان
لە 30ی حزیرانی 1993 لەكۆنگرەی دووەمی هەرێمی كوردستانی حزبی شیوعی عێراق راگەیەنرا لەكۆنگرەی یەكەمەوە ( عومەر عەلی شێخ
عەلی 1993 سكرتێری یەكەم و 1994 -2004 كەریم ئەحمەد و پاشان لەساڵی 2004ـەوە كەمال
شاكر تاوەكو ئێستا).
لە كۆنگرەی شەشەمی
حزبی شیوعی كوردستان چەند بڕیارێكیش دەرچوە لەوانە كەم كردنەوەی ماوەی سكرتێری لە سی
خول بۆ دوو خولی ئێستاو پێدانی كورسیكە ڕێژەكەی چوار كورسیە بە ئافرەتان .
رامیار جواد