پۆلیسی ژینگە و دارستانی سلێمانی، دوو راوچی لەكاتی راوكردنی ئاژەڵ و باڵندەی كێوی دەگرێت و هاوكات دەستیش بەسەر دوو ئامێری نایاسایی هەڵكەندنی بیری ئاودا دەگرن.
ئەمڕۆ چوارشەم 2ی تشرینی دووەمی 2016، عەقید هێمن كەمەرخان ئەفەندی بەڕێوەبەری راگەیاندن لە بەڕێوەبەرایەتی پۆلیسی دارستان و ژینگەی پارێزگای سلێمانی رای گەیاند، لە پێناو پارێزگاری لە سروشت و ژینگەی كوردستان و ئاژەڵ و باڵندە كێوییەكان، مەفرەزەكانیان بەردەوامییان هەیە و توانیویانە رێگرییەكی باش بكەن و رێگە بە سەرپێچێكاران نەدەن زیان بە سروشت و ژینگە بگەیەنن.
روونی كردەوە، لەو چوارچێوەیەدا لە سنووری گوندی قازان قایە دوو هاووڵاتی بە تۆمەتی راوكردنی باڵندەی كێوی لەلایەن مەفرەزەكانی پۆلیسی دارستان و ژینگەی قەرەداغ بەهاوبەشی لەگەڵ بنكەی پۆلیسی دێلێژە گیران و لەگەڵ ئەو دوو راوچییەدا دەست بەسەر چەكێكی جۆری تاپڕ و دوو فیشەكی تاپڕ و یەك تۆڕ و ماتۆڕسكیلێكدا گیراوە.
بەگوتەی كەمەرخان، تۆمەتباران و كەرەستەكانیان رادەستی یاسا كراون.
بەڕێوەبەری راگەیاندنی پۆلیسی دارستان و ژینگەی پارێزگای سلێمانی ئاشكرای كرد، هەر ئەمڕۆ چوارشەم مەفرەزەكانی پۆلیسی دارستان و ژینگە لە چوارچێوەی دەرچوونێكی مەیدانی لەناو شاری سلێمانی، دەستیان بەسەر دوو ئامێری هەڵكەندنی بیری ئاودا گرتووە كە بەشێوەی نایاسایی كاریان كردووە.
وشە/پۆلیسی دارستان