به‌وێنه‌.. مارسیدس ماڵێكی گه‌ڕۆكت بۆ ئاماده‌ ده‌كات


كۆمپانیای فاریۆ سه‌ر به‌ كۆمپانیای مارسیدسی ئه‌ڵمانی، ئۆتۆمبێله‌ ڤانه‌ نوێیه‌كه‌ی خسته‌ بازاڕه‌وه‌ كه‌ باشتر له‌وانی پێش خۆی، ده‌كرێ ناوی لێ بنرێ ماڵی گه‌ڕۆك و پڕ كراوه‌ له‌ پێدوایستییه‌كانی خانه‌واده‌یه‌كی ده‌وڵه‌مه‌ند.

فاریۆ 1200 ناوی ئه‌و ماڵه‌ گه‌ڕۆكه‌ نوێیه‌یه‌ كه‌ هه‌ر له‌ ناو خۆیدا پاركینگی ئۆتۆمبێلیشی تێدایه‌ و نرخه‌كه‌ی به‌پێی تایبه‌ته‌مه‌ندییه‌كانی له‌ نێوان 900 هه‌زار بۆ ملیۆنێك و 400 هه‌زار دۆلاردایه‌.

درێژییه‌كه‌ی ده‌گاته‌ 12 و هه‌موو پێدوایستییه‌كانی هاوشێوه‌ی هۆتێلێكی پێنج ئه‌ستێره‌ تێدایه‌، وه‌ك جێی نووستن و دانیشتن و به‌ داری گوێزی ئه‌مه‌ریكی ڕازێنراوه‌ته‌وه‌.

ئه‌م ماڵه‌ گه‌ڕۆكه‌، بۆ خێزانێكی شه‌ش كه‌سی گونجاوه‌ كه‌ هه‌موویان جێگی خۆیان هه‌یه‌، به‌ڵام یه‌ك شوێنی دوو نه‌فه‌رییه‌ و ئه‌وی تری تاك تاكن.

سه‌رچاوه‌/ سكای نیوز



وشە - كوردۆ شابان


PM:04:55:11/09/2017




ئه‌م بابه‌ته 1005 جار خوێنراوه‌ته‌وه‌‌