سەرمایەدارانی كوێت لە كوردستان وەربەرهێنان دەكەن
كونسوڵی گشتیی كوێت ڕای گەیاندن سەرمایەدارانی كوێتی هان دەدەن سەردانی هەرێمی كوردستان بكەن و سەرمایەگوزاری تێدا بكەن.
ئەمڕۆ دووشەم 11ی ئەیلوول، بە پێی هەواڵێكی ماڵپەری حكوومەتی هەرێمی كوردستان كۆبوونەوەیەك لە نێوان نێچیرڤان بارزانی سەرۆك وەزیرانی هەرێمی كوردستان و د.عومەر ئەلكەندەری كونسوڵی گشتیی كوێت لە هەرێمی كوردستان بەرێوەچووە.
بەپێی هەواڵەكە، ئەلكەندەری دووپاتی لەسەر پێوەندییەكانی نێوان هەولێر و كوێت كردووەتەوە و ڕای گەیاندووە، لە گەیاندنی كۆمەكەكانیان بۆ ئاوارەكان بەردەوام دەبن و هەوڵدەدەن هاوكاری كوردستان بكەن.
كونسوڵی گشتیی كوێت رای گەیاندووە، سەرمایەدارانی كوێتی هان دەدەن سەردانی هەرێمی كوردستان بكەن تا لە نزیكەوە ئاشنای هەرێمی كوردستان ببن و لە داهاتوودا سەرمایەگوزاری تێدا بكەن.
هاوكات سەرۆك وەزیرانی هەرێمی كوردستان ڕای گەیاندووە، پێشوازی لە هەموو هەوڵێك دەكات بۆ ئەوەی سەرمایەدارانی كوێت لە هەرێمی كوردستان سەرمایەگوزاری بكەن و لەمبارەیەوە هەموو ئاسانكارییەكیان پێشكەش دەكرێت.
هەر لەو كۆبوونەوەیەدا پرسی ڕیفراندۆمی سەربەخۆی كوردستان تاوتوێ كراوە و پێوەندییەكانی نێوان هەولێر و بەغداش گفتوگۆی لەسەر كراوە.
وشە -
سه‌رخێڵ هاشم