جڤاتی نیشتیمانی بزووتنەوەی گۆڕان بە مەبەستی دەنگدان لەسەر کشانەوە لە حکوومەت و پەرلەمان و حکوومەتە خۆجێییەکان کۆبووەوە و بەبێ هیچ ئەنجامێک کۆبوونەوەکە کۆتایی پێهات.
بەیانی ئەمڕۆ شەموو پێنجی تشرینی دووەم/نۆڤێمبەر ئەندامانی جڤاتی گشتی بزووتنەوەی گۆڕان بۆ یەکلاکردنەوەی پرسی کشانەوە لە دەسەڵاتی سیاسیی هەرێمی کوردستان کۆبوونەوە و بەبێ ئەوەی هیچ بڕیاریک لەم بارەیەوە بدرێت کۆبوونەوەکە کۆتایی پێ هات.
رەئوف عوسمان، سەرۆكی جڤاتی گشتی بزووتنەوەی گۆڕان لە كۆنگرەیەكی رۆژنامەوانیدا رایگەیاند، یەكێك لە تەوەرەكانی كۆبوونەوەكەیان پرسی كشانەوەبووە لە حكوومەت و قسەی لەبارەوەكرا و ئەو پرسەش ماوەتەوە و قسەی زیاتری لەسەر دەكرێت.
زیاتر روونی کردەوە، جڤاتی نیشتمانی باسی لە پەیوەندی گۆڕان لەگەڵ هێزە سیاسییەكانی كوردستان و گۆڕانكارییەكانی ناوچەكەش كردووە.
پێشتریش شۆڕش حاجی گوتەبێژی بزوتنەوەی گۆڕان بە میدیاکانی رایگەیاند لە بارەی پرسی مانەوە و كشانەوە" هەڵوێستێك وەردەگرین كە لەبەرژەوەندیی خەڵك دا بێت".