بەنزیما تووشی رووداوی هاتوچۆ بووە
كەریم بەنزیمای هێرشبەری فڕەنسی و یانەی ریال مەدریدی ئیسپانی تووشی رووداوێكی هاتوچۆ بووە، بەڵام سەلامەت بووە.
رۆژنامەی (ئاس)ی ئیسپانی بڵاوی كردەوە: لە رووداوەكەدا بەنزیما بە ئۆتۆمبێڵەكەی لە نزیك فڕۆكەخانەی شاری مەدرید خۆی بە ئۆتۆمبێڵێكی تر داداوە.
رۆژنامەكە ئاماژەی بەوەشدا كە بەنزیما لەگەڵ شوفێری ئۆتۆمبێڵەكەی تر لە رووداوەكەدا سەلامەت بوونە و تەنیا ئۆتۆمبێڵەكانیان زەرەریان بەركەوتووە.
پۆلیسی مەدرید ئاماژەی بەوەداوە كە پشكنینی سەرخۆشییان بۆ هەردوو شوفێرەكە كردووە و دەركەوتووە كە بەنزیما و شوفێرەكەی تر هیچ مادەیەكی هۆشبەرییان بەكار نەهێناوە و رووداوەكە قەزاوقەدەر بووە.
جێی باسە بەنزیما ماوەیەكە بەهۆی پێكانەوە لە یاریكردن لە ریزی یانەی ریال مەدرید دوور كەوتووەتەوە و ئێستاش خەریكی وەرگرتنی چارەسەرییە بۆ ئەوەی بگەڕێتەوە نێو یاریگە.
وشە -
ئامانج ئه‌كره‌م