چینییەكان گۆڕانكاری ریشەیی لە یانەی میلان دەكەن
سەرمایەدارە چینییەكان لە كڕینی بەشی هەرەزۆری پشكەكانی یانەی ئەی سی میلانی ئیتاڵی نزیك بوونەتەوە و دوای كڕینیشی دوای 27 ساڵ گۆڕانكاری ریشەیی لە سەرۆكایەتیی یانەكە دەكەن.
رۆژنامەی (مەساگیرۆ)ی ئیتاڵی بڵاوی كردەوە: كڕینی بەشی هەرەزۆری پشكەكانی یانەی میلان لەلایەن سەرمایەدارە چینییەكانەوە نزیك بووەتەوە و شیمانە هەیە لە چەند رۆژی داهاتوودا بەفەرمی كڕینی یانەكە بێتە راگەیاندن.
رۆژنامەكە ئاماژەی بەوەشدا كە چینییەكان دوای كڕینی یانەی میلان، سیلڤیۆ بیرلسكۆنی دوای 27 ساڵ لە سەرۆكایەتیی یانەكە لادەدەن و تەنیا وەك سەرۆكێكی شەڕەفی لە یانەكە دەیهێڵنەوە.
سەرچاوەكە ئاماژەی بەوەشدا كە چینییەكان گۆڕانكاری ریشەیی لە دەستەی كارگێڕیی یانەكە دەكەن و هەردوو بەرپرسی یەكەمی یانەكە ئەدریانۆ گالیانی بەڕێوەبەری جێبەجێكردن و باربارای كچی بیرلسكۆنیش دەردەكەن.
جێی باسە یانەی میلان ماوەی چەند ساڵێكە تووشی كێشەی دارایی بووەتەوە بەهۆی قەرزەكانی بیرلسكۆنی سەرۆكی یانەكەوە و بەو هۆیەشەوە چەندان ئەستێرەی لەدەستدا و ماوەیەكی زۆریشە لە بەدەستهێنانی ناسناوەكان دوور كەوتووەتەوە.
وشە -
ئامانج ئهكرهم