سەرۆك بارزانی پەیامێكی هاوخەمی بۆ كەسوكاری قوربانییانی كارەساتەكەی بوومەلەرزەكەی پارێزگەی هەڵەبجە و قەسری شیرین و سەرپیل زەهاو دەكات.
ئەمەش دەقی پەیامەكەیە:
بەداخێكی زۆرەوە شەوی ڕابردوو لە ئەنجامی ڕوودانی بوومەلەرزە لە پارێزگاكانی هەڵەبجە و كرماشان و ناوچەكانی قەسری شیرین و سەرپولی زەهاب سەدان هاووڵاتی گیانیان لە دەست دا و هەزارانی تریش بریندار بوون.
بەم بۆنە خەمناكەوە سەرەخۆشی لە كەسوكاری قوربانیان و خەڵكی ناوچە زیانلێكەوتووەكانی بوومەلەرزەی شەوی ڕابردوو دەكەم و هیوای چاكبوونەوەی خێرایش بۆ بریندارانی ئەو ڕووداوە دڵتەزێنە دەخوازم. لەم كارەساتەدا خۆمان بە هاوخەمی خەڵكی لێقەوماو و زیانلێكەوتووی هەر دوو پارێزگای كرماشان و هەڵەبجە دەزانین.