نێچیرڤان بارزانی،
سەرۆکی حکوومەتی هەرێمی کوردستان و قوباد تاڵەبانی جێگری، لەگەڵ ژمارەیەک وەزیر گەیشتنە
دەربەندیخان و دەیانەوێت لە نزیکەوە قوربانیانی بوومەلەرزە و دوایین دۆخی
کاریگەرییەکانی بوومەلەرزە بەسەر بکەنەوە.
بەهۆی ئەو بوومەلەرزەیەی لە نزیک هەڵەبجە
رووی دا زۆرترین زیان بەر دەربەندیخان کەوت و بۆیەش شاندەکەی حکوومەت ئەو شوێنەیان
هەڵبژاردووە بۆ ئەوەی بەسەری بکەنەوە.
لە هەرێمی کوردستان بە هۆی بوومەلەرزە هەشت
کەس گیانیان لەدەست دا کە پێنج کەسیان لە دەربەندیخان بوون و سەدان کەسیش بریندار
بوون.
هەریەک لەدکتور
رێکەوت حەمەڕەشید، وەزیری تەندروستی، نەورۆز مەولوود، وەزیری شارەوانی، پشتیوان سادق،
وەزیری پەروەردە، عەبدولستار مەجید، وەزیری کشتوکاڵ و سەرچاوەکانی ئاو یاوەری نێچیرڤان
بارزانی و قوباد تاڵەبانی دەکەن.
بوومەلەرزەکەی شەوی یەکشەم لەسەر دووشەم لە تەواوی
هەرێمی کوردستان هەست پێ کرا و بەهێزترین بوومەلەرزە بووە کە تاوەکوو ئێستە لە
هەرێمی کوردستان رووی داوە.
زۆرترین کاریگەری ئەو بوومەلەرزەیە لە سەر
رۆژهەڵاتی کوردستان بوو کە بە هۆیەوە سەرووی ٤٠٠ کەس گیانیان لەدەست دا و بە
هەزاران خانووش خاپوور کران.