بە ڤیدیۆ.. هاووڵاتییەكی ئامێدی بە رێگەیەك 10 كیلو ماسی راو دەكات


هاووڵاتییەكی كومەڵگەی سیرێی سەر بە شارەدیێ شێلادزێ لە سنووری شارۆكەی ئامێدی، بە رێگەیەكی نوێ 10 كیلۆگرام ماسی پێكەوە دەگرێت، ئەو دەڵێت كە بەو رێگەیە چەندین جار ماسی گرتووە و بەردەوامیشە.

ئەیووب رێكانی، ئەو گەنجەیە كە ژمارەیەكی زۆری ماسی پێكەوە گرتووە بە "وشە"ی دەڵێت، ماوەی چەند ساڵێكە لە رێگەی تۆڕ و تەڵەوە بە بەردەوام خەریكی گرتنی ماسییە، بەڵام ئەمڕۆ بە رێگە نوێیە ماسی راو دەكات كە بە زاراوەی ناوچەكە پێی دەڵێن رێگەی سندووق و هەر جارێكیش 10 كیلو ماسی بۆ سەرەوە دەگرێت.

زیاتر گوتی، رێگەیەكە بریتییە لەوەی دوو سندوقی تەماتە پێكەوە دەبەسترێتەوە و لێوارەكانی سندووقەكە هەمووی دەگاتە هەویر و نان، دواتر بە شەو دەكرێتە نێو رووبار و بەیانی لە رووبار دەردەهێنرێت، هەر ماسییەك كە بچێتە نێو ئەو سندووقەكە هەرگیز ناتوانێت بێتە دەرەوە، هاوكات ئەو ماسییەی كە چووەتە نێو سندووق دەبێتە هوكارێكی سەرەكی بۆ راكێشان و هێنانی ماسی زیاتر بو نێو سندووقەكە، من لەسەر گرتنی ماسی بەو رێگەیە بەردەوامم و دواجار بەیەك جار 10 كیلۆ ماسیم گرتووە.

ئەو گەنجە ماسییەكانی لەسەر رووباری ئاڤا شین گرتووە، كە دەكەوێتە گەلی باڵندە 30كم لە رۆژهەڵاتی شارۆكەی ئامێدی.

ئامێدی/ نەوزاد هلۆری




وشە - مه‌حموود ئیسماعیل


PM:05:28:23/11/2017




ئه‌م بابه‌ته 9236 جار خوێنراوه‌ته‌وه‌‌



زۆرترین خوێنراو‌
بابەتی پێوه‌ندار ‌