سابیر ڕه‌شید: كتێبی "شیری مووسا" هاته‌ وه‌شاندن

له‌م دوو ڕۆژه‌ی ڕابردوو، كتێبی "شیری مووسا"ی سابیر ڕه‌شید كه‌ كتێبه‌كه‌ ڕۆمانه‌، وه‌شان كرا.

سابیر ڕه‌شید چیڕۆكنووس و نووسه‌ر و ڕۆشنبیر به‌"وشه‌"ی ڕاگه‌یاند، "كتێبه‌كه‌ ڕۆمانێكه‌ له‌ ١٩٢ لاپه‌ڕه‌ی قه‌واره‌ مامناوه‌ند پێك هاتووه‌، له‌لایه‌ن به‌ڕێوه‌به‌رایه‌تیی ڕاگه‌یاندن چاپ و بڵاوكردنه‌وه‌ی هه‌ولێر چاپ كراوه‌".

ڕوونی كرده‌وه‌: "ڕۆمانه‌كه‌ له‌ چوار به‌ش پێك هاتووه‌، هه‌ر به‌شێك له‌ چه‌ند پارێك پێكهاتووه‌، ڕووداوه‌كانی له‌ نێوان شار و شارۆكه‌كانی هه‌ولێر و سلێمانی و كه‌ركووك و كۆیه‌ و شه‌قڵاوه‌ ده‌خولێته‌وه‌".

ئاماژه‌ی دا: "كاتی دیاریكردنی ڕۆمانه‌كه‌ ده‌گه‌ڕێته‌وه‌ بۆ ساڵانی ١٩٤٧ تا ١٩٥١، به‌ڵام به‌ فلاشباك و گه‌ڕانه‌وه‌ بۆ دواوه‌، كاته‌كانی هه‌ر له‌ ساڵی ١٩٤٧ درێژ ده‌بێته‌وه‌ تا سه‌رده‌می ئێسته‌مان".

"تێمای سه‌ره‌كی بریتییه‌ له‌ ژیانی جووه‌كانی كوردستان و عێراق، ئه‌م ڕۆمانه‌یش له‌لایه‌ن نه‌خشه‌ساز (ئامانج كاكه‌یی) دیزاین كراوه‌". ره‌شید وای گوت. 


وشە - ژیڤان خۆرانی


AM:10:58:06/12/2017




ئه‌م بابه‌ته 96 جار خوێنراوه‌ته‌وه‌‌