میران عه‌لی ئه‌مشه‌و بڵاوى ده‌كاته‌وه‌

بڕیار بوو دوێنێ شه‌وی شه‌موو، گۆرانیبێژى لاو (میران عه‌لى)، نوێترین گۆرانى بڵاو بكاته‌وه‌، به‌ڵام له‌به‌ر چه‌ند هۆكارێكى تایبه‌ت واده‌ى بڵاوكردنه‌وه‌ى بووه‌ ئه‌م شه‌و ڕۆژى یه‌كشه‌م 10 ى كانوونى یه‌كه‌م.

ئه‌م شه‌و ده‌رباره‌ى ئه‌و به‌رهه‌مه‌ نوێیه‌ى هونهر‌مه‌ند میران، ده‌رهێنه‌ر حه‌مه‌ى شه‌م كه‌ كارى ده‌رهێنانى بۆ كردووه‌ به‌ "وشه‌"ى ڕاگه‌یاند: "به‌یه‌كه‌وه‌ له‌گه‌ڵ ده‌رهێنه‌ر یوسف له‌شكرى كارمان بۆ نوێترین به‌رهه‌مى گۆرانیبێژى لاو میران عه‌لى كردووه‌ به‌ ناوى نامۆیی و بڕیار بوو دوێنێ شه‌و دواى ته‌واوبوونى سه‌رجه‌م كاره‌كانى بڵاوى بكه‌ینه‌وه،‌ به‌ڵام به‌هۆى چه‌ند كێشه‌یه‌كه‌وه‌ واده‌كه‌ى كه‌وته‌ ئه‌مشه‌و، ئه‌و به‌رهه‌مه‌ له‌ تَێكست و میلۆدى نامۆیه‌ و له‌ كارى میكس و ماسترینگ و ئه‌ره‌نجیمێنتى سیامه‌كه‌ و له‌ ستۆدیۆى ئه‌كتیڤ تۆمار كراوه‌".

زیاتر گوتى: "هه‌ریه‌ك له‌ ئه‌كته‌ران ژیاو حه‌یده‌ر ئارت به‌شدارن له‌ كلیپى ئه‌و به‌رهه‌مه‌ و چیڕۆك و سیناریۆكه‌ى به‌رجه‌سته‌ ده‌كه‌ن، ئه‌و به‌رهه‌مه‌ به‌ شێوه‌ى جوان كارى كلیپى بۆ كراوه‌ و سه‌رجه‌م كاره‌كانى ته‌واو بووه‌ و هیوادارین به‌ دڵى هه‌موو لایه‌ك بێت". 

میران عه‌لى یه‌كێكه‌ له‌ گۆرانیبێژه‌ لاوه‌كان و خاوه‌ن ده‌نگێكى تایبه‌ته‌ و خاوه‌ن چه‌ندین به‌رهه‌مه‌ و یه‌كێك له‌ به‌رهه‌مه‌كانى له‌گه‌ڵ گۆرانیبێژى كورد كه‌مال محه‌مه‌د بڵاو كردووه‌ته‌وه‌، تاكه‌ هونه‌رمه‌ندى لاوى كورده‌ گۆرانییه‌ تازه‌كانى نزیكه‌ى 2.5 ملیۆن بینه‌رى هه‌یه‌ له‌ پێگه‌ تایبه‌ته‌كانى.

هه‌ولێر/ شاخه‌وان شێخانى



وشە - محەمەد میران


PM:10:21:10/12/2017




ئه‌م بابه‌ته 4808 جار خوێنراوه‌ته‌وه‌‌