بوومەلەرزە سنووری گەرمیانی گرتەوە
كەمێك لەمەوبەر بە دیاریكراوی بە سەعات 4:27 خوولەكی ئێوارەی ئەمڕۆ، بوومەلەرزەیەك سنووری گەرمیانی گرتەوە و بە ئاشكرا لەلایەن هاووڵاتییانی شارۆكەی كەلارەوە هەستی پێ كرا.
پەیامنێری "وشە" لە كەلار ڕای گەیاند، ئەمڕۆ بوومەلەرزەیەكی بەهێز سنوورەكەی گرتووەتەوە و كەشناسیی سنوورەكەش ڕای گەیاندووە كە بوومەلەرزەكە بە گووڕی 3.8 بووە و بە قووڵای 12 كیلۆمەتر لەنێوان كەلار و بەرلووت ڕووی داوە.
بوومەلەرزەكە لە دەربەندیخان و سلێمانی هەستی پێكراوە و ناوەندی بوومەلەرزەكەش ڕۆژهەڵاتی كوردستان بووە.
ئەو بوومەلەرزەیە لەكاتێكدایە كە ماوەی مانگێكە بە بەردەوامی بوومەلەرزە شارەكانی سنووری گەرمیان و دەربەندیخان و هەڵەبجە دەگرێتەوە و بەهۆیەوە زیانی مادی و گیانی دروست بووە و تا ئێستەش بەشێك لە هاووڵاتییان ناتوانن بگەڕێنەوە ماڵەكانی خۆیان.
گەرمیان/ سەبری هۆرینی
وشە -
سهرخێڵ هاشم