بەرشەلۆنە گرێبەست لەگەڵ گریزمانیش دەكات


یانەی بەرشەلۆنەی ئیسپانیا تا ئێستاش پێداگیری لە گرێبەستكردن لەگەڵ ئەنتوان گریزمانی ئەستێرەی فڕەنسی و یانەی ئەتلەتیكۆ مەدریدی ئیسپانی دەكاتەوە، هەرچەندە لەم هەفتەیەدا گرێبەستی لەگەڵ فیلیپ كۆتینیوی ئەستێرەی بەڕازیلی ئیمزا كردووە.

رۆژنامەی (سەن)ی ئینگلیزی ئاشكرای كرد: گرێبەستەكەی كۆتینیو كاریگەری لەسەر هەوڵەكانی گرێبەستكردنی یانەی بەرشەلۆنە لەگەڵ گریزمان نابێت.

جەختیشی كردەوە كە یانەی بەرشەلۆنە لە كۆتایی ئەم وەرزە گرێبەست لەگەڵ گریزمان دەكات و بەفەرمی دەیهێنێتە ریزی یانەكەیەوە.

سەرچاوەكە ئاشكراشی كرد یانەی بەرشەلۆنە پارەی مەرجی هەڵوەشاندنەوەی گرێبەستەكەی گریزمان دەدات بە یانەی ئەتلەتیكۆ مەدرید كە 100 ملیۆن یۆرۆیە و گرێبەستێكی نوێ بۆ ماوەی 5 ساڵ لەگەڵیدا ئیمزا دەكات.

یانە كەتەلۆنییەكە هەروەها بەڵێنی بە گریزمان داوە مووچەكەی بكات بە دووەم زۆرترین مووچەی یانەكە دوای لیۆنێل میسی و هاوتای لویس سوارێز و هەفتانە 425 ملیۆن پاوەنی پێ بدات.



وشە - ئامانج ئه‌كره‌م


AM:11:19:10/01/2018




ئه‌م بابه‌ته 97 جار خوێنراوه‌ته‌وه‌‌