هاتوچۆی هەولێر سزایەكی لەسەر شوفێران هەڵگرت


بەڕێوەبەرایەتیی هاتوچۆی هەولێر ئاگەداری ئەو شوفێرانە دەكاتەوە كە ساڵیانەی ئۆتۆمبێلەكانیان بەسەرچووە، بەهۆی گواستنەوەی باڵەخانەوە ئەوە ساڵیانەی بەسەرچووە لەو ماوەیە تووشی سزای مادی نابێتەوە.

ئەمڕۆ چوارشەم 10ـی كانوونی دووەم، ڕائید فازڵ حاجی حوسێن بەڕێوەبەری ڕاگەیاندنی هاتوچۆی هەولێر بە "وشە"ـی ڕاگەیاند، ئەو شوفێرانەی بەسەرچوونی ساڵیانەومەنەفێستی ئۆتۆمبێلیان هەیە،بەهۆی گواستنەوەی باڵەخانەی بەڕێوەبەرایەتییەكەمان بۆباڵەخانەی تازەی لەسەر ڕێی بەحركە بەرامبەر گەنجان سیتی، لەلایەن ئەو هاووڵاتییانە دڵەڕاوكێ‌ دروست بووە.

بەڕێوەبەری ڕاگەیاندنی هاتوچۆی هەولێر دەڵێت، هەر شوفێرێك لە ماوەی راگرتنی مامەڵە ساڵیانەیان بەسەر بچێت یان مەنەفیستی ئۆتۆمبێلەكانیان بەسەر بچێت، تووشی سزادان دەبنەوە، دوورە لە ڕاستی.

ئەو ئەفسەرەی هاتوچۆی هەولێر زیاتر گوتی، ئێمە هاووڵاتییان دڵنیا دەكەینەوە كە هیچ كەسێك كەلەم ماوەیەی هاتوچۆی هەولێر كاری نەكردووە، تووشی سزادان نابنەوە وقەرەبوو دەكرێنەوە، هەروەها لەرۆژی دەستبەكاركردنەوەی كارەكانمان، دووبارە هاووڵاتییان ئاگەدار دەكەینەوە بۆ سەردانیكردنی هاتوچۆی هەولێر بۆراییكردنی مامەڵەكانیان.

بەمەبەستی ڕێكخستنەوەی سەرجەم بەشەكانی بەڕێوەبەرایەتی هاتوچۆی هەولێر لە باڵەخانەیەكی نوێ‌، ئێستە ئەو بەڕێوەبەرایەتییە گواستراوەتەوە بۆ سەر شەقامی جووتسایدی بەحركە نزیك پڕۆژەی گەنجان ستی.
 



وشە - رامیار جەواد


PM:02:46:10/01/2018




ئه‌م بابه‌ته 1627 جار خوێنراوه‌ته‌وه‌‌