ناوچەی عەفرین دەكەوێتە سەر لێوارەكانی رووباری عەفرین لەوپەڕی باكوری رۆژئاوای سووریا لە رۆژئاوای شاری ئیعزاز و لە باكوری شاری حەلەب كە 60 كیلۆمەتر لەوەوە دوورە و ئەو لە رووی ئیدارییەوە سەر بە حەلەبە و لە باشووری رۆژئاوا پارێزگای ئیدلب هەیە و لە باكور و رۆژئاوایشەوە سنوورەكانی توركیا.
عەفرین ناوچەیەكی شاخاوییە و رووبەرەكەی دەگاتە سێ هەزار و 850 كیلۆمەتر سێجا، واتە 2%ی رووبەڕی سووریا، لە رووی جوگرافییەوە لە ناوچەكانی تری ژێر دەسەڵاتی كورد بەدرێژایی سنوورەكانی توركیا جیاوازە كە بریتین لە ناوچەكانی كۆبانی و جەزیرە لە باكوری رۆژهەڵاتی سووریا، ئەگەرچی یەكینەكانی پاراستنی گەل چوونە دەرەوەی ئەو ناوچانە بە پاڵپشتی هاوپەیمانان و ئەمەریكا بۆ جەنگی داعش وەك رەقە و دێرزوور و دەشتی رۆژئاوای حەلەب، بەڵام ئەو ناوچانە بەتەواوەتی كوردیان تیادا ناژیت.
بەپێچەوانەی هەردوو ناوچەی كۆبانی و جەزیرە، عەفرین تارادەیەك ناوچەیەكی دوورە لە ناوچەكانی تری كوردی، ئەگەرچی شارێكی كەناراوی نییە، بەڵام بریتییە لە هیوایەكی كورد بۆ گەیشتن بە دەریای سپی ناوەڕاست بەو پێیەی لە دەریاوە نزیكترە و بەلەدەستدانیشی واتە لەدەستدانی ئەو هیوایە.
ئێستە عەفرین لە رووی ساسییەوە سەر بە خۆبەڕێوەبەرییە و لە رووی سەربازی و تەناهیشەوە سەر بە یەكینەكانی پاراستنی گەلی كوردییە كە سەنگەرەكانی لە عەفرین بەهێزە و هەزاران شەڕوانیان لەوێ هەیە و بەپێی چەند سەرچاوەیەكیش ژمارەكە دەگاتە 50 هەزار، ئەوەش مانای ئەوەیە كە جەنگەكە تیایدا ئاسان نابێت.
شاری عەفرین پێشتر یەكێك بوو لە گرنگترین مۆڵگەكانی بزووتنەوەی ئیسلامی لە سووریا بەر لە هاتنی حزبی بەعس بۆ دەسەڵات و دانیشتوانەكەیشی جەنگی فڕەنسییەكانیان كرد، هاوكات دانیشتوانی كوردی ئەو شارە پێوەندی دۆستایەتی و خزمایەتیان لەگەڵ خزمانیان لە توركیا هەیە و ژمارەیەك لە رۆڵەكانیان رەگەزنامەی توركییان هەیە.
چالاكانی كورد لەو بارەوە دەڵێن كە پارتی یەكێتی دیموكراتی خەڵكی عەفرینیان سەركوت كردووە كە ئەوان لە سەرەتای شۆڕشی سووریا چوونەتە پاڵ شۆرشی ئاشتییانە و بەو هۆیەوەش زۆریان گیراون و بەشێكیان بەزۆر ناچاری چەكهەڵگرتن كراون، بۆیە ژمارەیەكیان هەڵاتوون بۆ دەرەوەی شارەكەوە.
بەپێی سەرچاوەكان سەربازانی رووسیا لە عەفرین لە دوو ناوچەدا هەن لەوانەیش لە جەندیرس لە دووری 20 كیلۆمەتر لە باشووری رۆژئاوای شارەكە و لە سەربازگەی تەڵائیع لە كەفر جەنە لە باكوری رۆژهەڵاتی عەفرین لە دووری 11 كیلۆمەتر لە قەتەمە كە بەدەستی هێزەكانی بە "قەلغانی فوراتە"ی سەر بە توركیایە.
بە پێی ئامارەكانی فەرمیی سووریا لە 2012 ژمارەی دانیشتوانی عەفرین زیاتر لە نیو ملیۆن كەسە، بەڵام سەرچاوە كوردییەكان باسی زیاتر لە ملیۆنێك دەكەن، ئەوەیش لە دوای هەڵمەتەكانی راگواستنی ناوچەكانی دەورووبەری بەهۆی جەنگی فرەلایەنی سووریا.
عەفرین لە 350 گوند و شارەدێی گەورە و بچووك پێكهاتووە گرنگترینیان ناو شاری عەفرین كە ژمارەی دانیشتوانی زیاتر لە 50 هەزار كەسە و جەندریسە و بلبلە و شییە و راجوا و شەڕا، هەروەها شارەكە ژەندان ناوچەی شوێنەواری تیادایە وەك قەڵای سەمعان و قەڵای نەبی هۆری و گردی عەین دارە و پردە رۆمانییەكان لەسەر رووباری عەفرین و پردی هرە درە كە ئەڵمانییەكان بەر لە جەنگی یەكەمی جیهان دروستیان كرد.
ناوچەی عەفرین لە ناوچە شاخاوییەكانە كە بەرزاییەكەی لە نێوان 700-هەزار و 300 مەترە لەسەر ئاستی دەریا و چیای گەورە یان چیای "كرییە مازن"، بەرزترین لووتكەكانیەتی و تا درێژایی 55 كیلۆمەتر لە رۆژئاوا بەرەو رۆژهەلات درێژ دەبێتەوە و تا 75 كیلۆمەتر لە باكورەوە بەرەو باشوور.
ناوچەكە بە بەرز و نزمییەكەی لە چیاو دەشتەكەی جیا دەكرێتەوە و رووباری عەفرینی پێدا تێپەڕ دەبێت كە بە گرنگترین سەرچاوەكان دادەنرێت كە زەوییە كشتوكاڵییەكانی سووریا ئاو دەدات و تا درێژایی 85 كیلۆمەتر بەناو قووڵایی خاكیب سووریا درێژ دەبێتەوە و ناوچەكە بە بەرهەمهێنانی زەیتی زەیتوون و مزرەمەنی و ترێ بەناوبانگە و بەنداوی 17ی تەمووز لە 1984 تیادا دروست كرا و ئەوەیش وای كرد ببێتە ناوچەیەكی كشتوكاڵی و گەشتیاری، جیا لەوەی ناوەندێكی بازرگانییە و چەندان كارگە و دامەزراوەی پیشەسازی تیادایە وەك بەرهەمەكانی زەیتوون و كارگەكانی دروستكردنی جلوبەرگ كە لە حەلەبەوە بەهۆی جەنگەوە بۆ ئەوێ گوازرانەوە.
ئێستە جەنگێكی سەخت لە شاری عەفرین هەیە لەدوای دەست پێكردنی هەڵمەتێكی فرەوانی سەربازی توركیا و هێزەكانی "قەلغانی فورات"ی سەر بە توركیا، بۆ كۆنترۆڵكردنی شارەكە و دەركردنی شەڕوانانی پەیەدە تیایدا.