کچان کەی واز لە ئاوێنە دەهێنن؟


ژنان به‌ گشتی كاتێكی زۆر له‌ به‌رده‌م ئاوێنه‌كاندا به‌سه‌ر ده‌به‌ن، ئه‌مه‌ش مێشكی پیاوی زۆر سه‌رقاڵ كردووه‌، چونكه‌ ئاشكرایه‌ كه‌ ئه‌و هه‌موو كاته‌ خه‌ریكی خۆڕازاندنه‌وه‌ن.

له‌ چه‌ند توێژینه‌وه‌یه‌كی زانستی و ده‌روونیدا ئاشكرا بووه‌، ژنان ئه‌و ماوه‌یه‌ی له‌ به‌رده‌م ئاوێنه‌ به‌سه‌ری ده‌به‌ن، به‌ پێی ته‌مه‌نه‌كانیان ده‌گۆڕێت، به‌م شێوه‌یه‌:

_ ته‌مه‌نی هه‌شت بۆ 12 ساڵان: نیو سه‌عات تا سه‌عاتێك له‌ به‌رده‌م ئاوێنه‌ ده‌مێننه‌وه‌.

_ ته‌مه‌نی هه‌رزه‌كاری تا گه‌وره‌بوون: به‌شێكی زۆری كاته‌كانیان خه‌ریكی خۆیان ده‌بن، ده‌گاته‌ دوو سه‌عات یان زیاتر.

_ ته‌مه‌نی 40 بۆ 50 ساڵ: سه‌عاتێك بۆ سێ سه‌عات له‌ به‌رده‌م ئاوێنه‌ ده‌مێننه‌وه‌.

_ ته‌مه‌نی 60 ساڵ: به‌ هه‌موو ڕۆژه‌كه‌ سه‌عاتێك ده‌مێننه‌وه‌.

_ ته‌مه‌نی 60 ساڵ به‌ره‌و سه‌ره‌وه‌: دوور له‌ ئاوێنه‌كه‌ ده‌وه‌ستن، له‌گه‌ڵ ئه‌وه‌شدا كه‌متر له‌ سه‌عاتێك ده‌مێننه‌وه‌.

له‌گه‌ڵ هه‌موو ئه‌مانه‌شدا، زۆربه‌ی ئه‌و ژنانه‌ی خۆیان به‌ جوان نازانن و لای خه‌ڵك باو نین، شه‌رم له‌ مانه‌وه‌ له‌ به‌رده‌م ئاوێنه‌ ده‌كه‌ن، له‌به‌رئه‌وه‌ كه‌مترین كات له‌ ته‌ماشاكردنی خۆیان به‌سه‌ر ده‌به‌ن، له‌به‌رئه‌وه‌ بۆ ئه‌وان شتێكی ئاسایییه‌ ته‌مه‌نیان گه‌وره‌ ده‌بێت و پیر ده‌بن یان نا.

 به‌ڵام ئه‌و كه‌سانه‌ی شێوه‌ی ڕووخساریان جوان و سه‌رنجڕاكێشه‌، كاتێك پیر ده‌بن حه‌ز له‌ مانه‌وه‌ له‌ به‌رده‌م ئاوێنه‌ ناكه‌ن، له‌به‌رئه‌وه‌ی دیمه‌نه‌ تێكچوو و پێسته‌ چرچه‌كه‌ی خۆیان نه‌بینن.

ئه‌و ژنانه‌ی له‌ لادێكان ده‌ژین، ئه‌وه‌نده‌ی ئیش به‌ لایانه‌وه‌ گرنگه‌، ڕووخسار و جوانی ده‌ره‌وه‌یان جێی بایه‌خ نییه‌، له‌به‌رئه‌وه‌ زۆر ده‌گمه‌ن نه‌بێت ته‌ماشای خۆیان ناكه‌ن، بۆ ئه‌وه‌ی كات نه‌كوژن.

له‌به‌رئه‌وه‌ توێژه‌ران گه‌یشتوونه‌ته‌ ئه‌و باوه‌ڕه‌ی ژن تا زیاتر له‌ به‌رده‌م ئاوێنه‌ بوه‌ستن و خه‌ریكی خۆیان بن، ڕێژه‌ی متمانه‌بوون به‌ خۆیان كه‌م ده‌كات، پێچه‌وانه‌كه‌شی هه‌ر ڕاسته‌.

سەرچاوە/ ئەنازەهرە


وشە - ڕێناس شابان


PM:03:06:31/01/2018




ئه‌م بابه‌ته 452 جار خوێنراوه‌ته‌وه‌‌



زۆرترین خوێنراو‌
بابەتی پێوه‌ندار ‌