ئەمڕۆ دووشەم بەڕێوبەری سایلۆی هەولێر بە فەرمانی دەستەی دەستپاكی هەرێمی كوردستان بەهۆی یەكلابوونەوەی دۆسیەی گەندەڵی، لەلایەن پۆلیسەوە گیرا و لە گرتووخانەی گەورانی هەولێر بەند كراوە.
بەگوێرەی ئەو زانیارییانەی لە سەرچاوەیەكی تایبەتەوە بە "وشە" دراوە، ئەمڕۆ دووشەم ئیبراهیم عەبدولقادر بەڕێوبەری سایلۆی هەولێر بە فەرمانی دەستەی دەستپاكی هەرێمی كوردستان و بەڕێوەبەرایەتیی گشتیی دەستەی دەستپاكی شاری هەولێر لەلایەن پۆلیسەوە گیرا.
سەرچاوەیەك لە دەستەی دەستپاكی هەرێمی كوردستان هەواڵەكەی بۆ "وشە" پشت ڕاستكردەوە و ڕایگەیاند، گرتنی ئەم بەڕێوەبەرە لەسەر دیار نەمانی بڕێكی زۆر گەنم و جۆ لە سایلۆی هەولێرە.
"وشە" بۆ ئەم مەبەستە پێوەندی بە حاكم ئەحمەد ئەنوەر سەرۆكی دەستەی دەستپاكی هەرێمی كوردستان كرد، بەڵام ناوبراو وەڵامی پێوەندییەكەی نەدایەوە .