ئەمەریكا: ئۆپراسیۆنی عەفرین هەوڵەكانی دژ بە داعش لەناو دەبات


رێكس تیلرسن، وەزیری دەرەوەی ئەمەریكا رای گەیاند، ئۆپراسیۆنی عەفرین كە لەلایەن توركیاوە جێبەجێ كراوە، كۆششی نێودەوڵەتی لەشەڕی دژ بە داعش لەناو دەبات.

ئەمڕۆ سێشەم لە میانەی بەشداربوونی لە كۆنگرەی ئاوادانكردنەوەی عێراق لە كوێت، رێكس تیلرسن، وەزیری دەرەوەی ئەمەریكا، لە وتەیەكدا باسی چەند بابەتێكی پێوەستدار بە ناوچەكە كرد.

لە بارەی ئۆپراسیۆنی توركیا دژ بە عەفرین، رێكس تیلرسن گوتی، ئۆپراسیۆنی عەفرین كە هێزەكانی توركیا لە باكوری رۆژئاوای سووریا ئەنجامی دەدەن، كۆششی جەنگی دژ بە داعش لەناو دەبات. ئەمە چەندین جارە تیلرسن ئەم قسەیە دووپات بكاتەوە و پێشتریش بەرپرسانی ئەمەریكا داوایان لە توركیا كردبوو، سەرنجی بەلای جەنگی دژ بە داعش بێت.

 تیلرسن روونی كردەوە، كاتێك لەم چەند رۆژەدا سەردانی توركیا دەكات لەگەڵ بەرپرسانی توركیا باس لەوە دەكات كە چۆن سەرنجیان بخەنەوە سەر شەڕی دژ بە داعش.

لە بارەی داعشەوە رێكس تیلرسن ئاماژەی كرد، داعش لە ئەنجامی بارودۆخی جەنگی سووریا و عێراق دروست بووە". دواتر ئاماژەی بۆ ئەوە كرد كاتێك ئێستە داعشی دەسەڵاتی نەماوە ئەمەریكا كار بۆ ئاودانكردنەوەی عێراق دەكات و پشتگیری وڵاتەكەی بۆ عێراق دووپات كردەوە.

سەرچاوە/ سپوتنیك



وشە - فه‌یسه‌ڵ خه‌لیل


PM:08:00:13/02/2018




ئه‌م بابه‌ته 337 جار خوێنراوه‌ته‌وه‌‌



زۆرترین خوێنراو‌
بابەتی پێوه‌ندار ‌