بەپێی راپرسییەك كە دامەزراوەی گالوپ، ئەنجامی داوە، دەكرەوت لەبارەی بوونی هەست و سۆزی رەشبینی لە سەر ئاستی جیهاندا عێراق بە پلەی یەكەم دێت.
لە راپرسییەكی دامەزراوەی گالوپ Gallup كە لەسەر ئاستی جیهان ئەنجام دراوە، پێوەری هەستی رەشبینی و گەشبینی لای هاووڵاتییانی وڵاتان دیاری كراوە. لە راپرسییەكە 149 هەزار كەس لە 142 وڵاتی جیهان بەشدارییان تێدا كردووە.
لە ئەنجامەكان دەركەوتووە كە هاووڵاتییان عێراق لە رووی بوونی هەست و سۆزی نەرێنی و رەشبینییەوە لە پلەی یەكەم دێت، دووەم وڵاتیش سوودان و ئێران لە پلەی سێیەم دێت، دواتر لیبیریا و ئەفریقیای ناوەڕاستیش لە پلەی پێنجەم دێت.
لە رووی گەشبینی و بوونی هەست و سۆزی ئەرێنییەوە، پارگوای پلەی یەكەمی هەیە و كۆستاریكا پلەی دووەم و پەنەما پلەی سێیەم و فیلیپین پلەی چوارەم و ئۆزباكستان پلەی پێنجەم.
عێراق زیاتر لە 30 ساڵ لە ژێر دەسەڵاتی دیكتاتۆریەت دابووە و نزیكەی 15 ساڵیشە بەدەست شەڕ و ململانێی تایفی و گەندەڵی دەناڵێنێ، كە زۆرجار رێكخراوەكان دەریان خستووە، ئەم رووداوانە كاریگەریی ئەرێنییان بەسەر خەڵكی عێراق هەبووە.