گەورەترین فڕۆكەی دنیا تاقی كرایەوە


ستراتۆلۆنش گەورەترین فڕۆكە لە دنیا كە دەتوانێ مووشەكی زۆر مەزن بهاوێژێ و مانگە دەستكردەكان هەڵبگرێ و لە ئاسمان بڵاوەیان پێ بكات، لە تاقیكردنەوەی خێرایی سەركەوتنێكی زۆر گەورەی بە دەستهێنا.

ئەو فڕۆكەیە بە دوو باڵی زۆر درێژ و هێندەی یاریگەیەكی تۆپی پێ بە تەواوی بە بنكەی سەركردایەتی پێوەست دەكرێ و 28 تایبەت و شەش بزوێنەری هەیە و لە جۆری بۆینگ 747ە  و بە بەهێزترین و گەورەترین فڕۆكەی دنیا هەژمار كراوە.

ئەركی فڕۆكەیەكە بریتییە لە گواستنەوەی مووشەكی مەزن و قورس و هەڵگرتنی مانگە دەستكردەكان بۆ چینی ستراتوسفێر و بەرگی زەوی، لەوێوەیش دەتوانێ مانگە دەستكردەكان بۆ بۆشایی ئاسمان هەڵبدات.

چەند تاقیكردنەوەیەكی ئەزموونی بەو فڕۆكە مەزنە كراوە و دیارترینیان لە ڕۆژانی ڕابردوو بوو، خێرایی و توانای فڕینی فڕۆكەكە تێست كرا و سەركەوتنی گەورەی بە دەستهێنا، بڕیارە یەكەم گەشتی فەرمی ئەو فڕۆكەیە بۆ جێبەجێكردنی یەكەم ئەركی لە ئاسمان لە ساڵی 2019 بێتە ئەنجامدان.

كۆمپانیای ستراتۆلۆنش سیستەمسی ئەمەریكی پەرەی بە فڕۆكەكە داوە و توانای هەڵگرتنی 1.3 ملیۆن پاوەنی هەیە و كێشی خودی فڕۆكەكەیش 500 هەزار پاوەن  دەبێت.


وشە - باز ئه‌حمه‌د


AM:10:20:10/03/2018




ئه‌م بابه‌ته 989 جار خوێنراوه‌ته‌وه‌‌