ئاوازدانه‌رێكی كورد له‌گه‌ڵ كچه هونه‌رمه‌ندێك خه‌ریكی پرۆژه‌یه‌كن بۆ مانگی ڕه‌مه‌زان، ئه‌ویش بریتییه له بڵاوكردنه‌وه‌ی سترانێكی ئاینی، له وێنه‌كه‌یش دا هه‌ڵكه‌وت زاهیر وێنه‌ی خۆی و كچه هونه‌رمه‌نده‌كه‌ی به لچكه‌وه بڵاوكردووه‌ته‌وه.
له هه‌ژماری خۆی له تۆڕی كۆمه‌ڵایه‌تی فه‌یسبووك، هه‌ڵكه‌وت زاهیر ئاوازدانه‌ر نوێترین كار و چالاكی خۆی بڵاوكرده‌وه، به‌رچاوڕوونی بۆ هه‌موو كار و بڕیارێكی تێیدا ده‌دات.
ئێسته وێنه‌یه‌كی خۆی له‌گه‌ڵ دینای گۆرانیبێژ كه له‌لایه‌ن ئه‌و ئاوازدانه‌ره كاری بۆ ده‌كرێ، بڵاو كرده‌وه، دینا له وێنه‌كه‌دا جلێكی پۆشته‌ی له‌به‌ردایه و له‌چكێكی توندی به‌سه‌ره‌وه به‌ستووه، هه‌ڵكه‌وت زاهیریش ئاماژه‌ی به‌وه كردووه كه ئه‌م وێنه‌یه له كاتی ئاماده‌كردنی پڕۆژه‌یه‌كدایه كه بۆ مانگی ڕه‌مه‌زان بڵاوی ده‌كاته‌وه.
هه‌ڵكه‌وت زاهیر یه‌كێكه له ئاوازدانه‌ره‌كان و ساڵانه كلیپی ئاینی بۆ سترانبێژه‌كان ئاماده ده‌كات، تا ئێسته‌یش چه‌ندان كلیپی له‌و شێوه‌یه‌ی بۆ لۆكه، میرا و چه‌ند هونه‌رمه‌ندێكی تر تۆمار كردووه، ئه‌مساڵیش نۆره‌ی دینایه.
هه‌ڵكه‌وت زاهیر ئاوازدانه‌ری كورد، خه‌ڵكی شاری سلێمانییه و خاوه‌نی سه‌تان ئاوازی گۆرانییه و زۆربه‌یان له‌لایه‌ن ژنه هونه‌رمه‌نده كورد و عه‌ره‌به‌كانه‌وه گوتراون.