به‌ به‌شدارى 18 وڵات كۆنگره‌یه‌كى ده‌ستپاكى له‌ عێراق ده‌به‌سترێت


به‌ به‌شداربوونى  18 وڵاتى عه‌ره‌بى و 25  رێكخراوى سه‌ربه‌خۆ، له‌ ناوه‌ڕاستى ئه‌م مانگه‌ كۆنگره‌یه‌ك بۆ ده‌ستپاكى و به‌ره‌نگاربوونه‌وه‌ى گه‌نده‌ڵى له‌ عێراق ده‌كرێت و دوو رۆژ ده‌خایه‌نێت.

 سایتى به‌غداد توده‌ى بڵاوى كردووه‌ته‌وه‌، له‌ 15ى ئه‌م مانگه‌ له‌ به‌غدا كۆنگره‌یه‌ك بۆ ده‌ستپاكى و به‌ره‌نگاربوونه‌وه‌ى گه‌نده‌ڵى ده‌به‌سترێت و كۆنگره‌كه‌ش دوو رۆژ ده‌خایه‌نێت.

وه‌ك له‌ هه‌واڵه‌كه‌ هاتووه‌، ئه‌م كۆنگره‌یه‌ به‌ به‌شدارى 18 وڵاتى عه‌ره‌بى و 25 رێكخراوى سه‌ربه‌خۆى كۆمه‌ڵگاى مه‌ده‌نى و نوێنه‌رانى نه‌ته‌وه‌ یه‌كگرتووه‌كان و شاره‌زایانى نێوده‌وڵه‌تى ده‌به‌سترێت.

 ئه‌م كۆنگره‌یه‌ له‌ لایه‌ن تۆڕى عه‌ره‌بى بۆ به‌ره‌نگاربوونه‌وه‌ى گه‌نده‌ڵى ده‌به‌سترێت، كه‌ كۆنگره‌یى پێشترى له‌ ساڵى 2016 له‌  توونس بوو، به‌ڵام ئه‌مساڵیش له‌ به‌غدا ده‌بێت و سه‌رۆكى ده‌سته‌ى ده‌ستپاكى عێراقیش سه‌رۆكایه‌تیى تۆڕه‌كه‌ ده‌كات.


وا چاوه‌ڕوان ده‌كرێت له‌ كۆتای كۆنگره‌كه‌ راگه‌یانراوێك بڵاوى بكرێته‌وه‌ و ته‌واوى پێشنیاره‌كان بۆ به‌ره‌نگاربوونه‌وه‌ى گه‌نده‌ڵى بخرێنه‌ڕوو.

به‌ پێى دوایین راپۆرتى رێكخراوى شه‌فافیه‌تى نێوده‌وڵه‌تى، عێراق له‌سه‌ر له‌ ریزى 180 ده‌وڵه‌تدا له‌ ریزبه‌ندى 11دایه‌ بۆ گه‌نده‌ڵى.



وشە - فه‌یسه‌ڵ خه‌لیل


PM:12:14:11/04/2018




ئه‌م بابه‌ته 153 جار خوێنراوه‌ته‌وه‌‌