سێ ساڵه‌ به‌ پێی په‌تی ده‌سووڕێته‌وه‌


ژنێكی گه‌نجی دانیشتووی جۆرجیا، ماوه‌ی سێ ساڵه‌ خۆی له‌ هه‌موو جۆره‌ جیاوازه‌كانی پێڵاو به‌دوور گرتووه‌ و بۆ تاقیكردنه‌وه‌ش له‌پێی نه‌كردووه‌.

كاساندرا سمپ ته‌مه‌ن 20 ساڵ، ژنێكی خه‌ڵكی ماكۆنی جۆرجیایه‌، له‌ پێناو پاراستنی متمانه‌ و باوه‌ڕبه‌خۆبوونی، ماوه‌ی سێ ساڵه‌ هیچ جۆره‌ پێڵاوێكی له‌ پێ نه‌كردووه‌ و به‌رده‌وام به‌ پێی په‌تی ده‌سووڕێته‌وه‌.

سه‌ره‌تا كاتێك ساڵی 2015 خوێندنی ناوه‌ندی ته‌واو كرد، بڕیاری دا به‌ یه‌كجاری خۆی له‌ پێڵاوی بن به‌رز و جۆری نامۆ ڕزگارت بكات، بۆیه‌ ته‌نیا پێڵاوی فلات و پاته‌ی له‌ پێ ده‌كرد.

دواتر ورده‌ ورده‌ به‌ یه‌كجاری وازی له‌ هه‌موو جۆره‌ پێڵاوێك هێنا، به‌ میدیاكانیشی گوتووه‌ كه‌ له‌وه‌ته‌ی پێڵاو له‌پێ ناكات، زۆر ئاسووده‌یه‌ و قاچی زۆر زیاتر له‌ جاران پشوو ده‌دات، هه‌روه‌ها پێی وایه‌ كه‌ به‌م شێوه‌یه‌ ده‌توانێت متمانه‌ به‌خۆبوونی بسه‌لمێنێت و خۆی به‌ شتێكی ڕۆتینه‌وه‌ نابه‌ستێته‌وه‌.


سه‌ره‌تا قاچی چونكه‌ فێر نه‌بووبوو، برین و ئازاری بۆ دروست ده‌كرد، به‌ڵام ئێسته‌ زۆر به‌ ئاسووده‌یی ده‌ڕوات و به‌وپه‌ڕی سه‌ربه‌خۆیییه‌وه‌ بۆ هه‌موو جێیه‌ك وه‌ك سه‌ر ده‌ریا به‌ پێی په‌تی ده‌ڕوات.

ئاشكرایه‌ كه‌ كاساندرا له‌م ڕووه‌وه‌ زۆر تووشی كێشه‌ بووه‌، له‌ لایه‌ن خه‌ڵكه‌وه‌ گاڵته‌ی پێ كراوه‌ و سووكایه‌تی به‌ كاره‌كه‌ی كراوه‌، ته‌نانه‌ت له‌ زۆربه‌ی ئاهه‌نگ و شوێنه‌ فه‌رمییه‌كان كراوه‌ته‌ ده‌ره‌وه‌ و پێیان وابووه‌ ڕێزی ئه‌ته‌كێتی شوێنه‌كه‌ی نه‌گرتووه‌.

سه‌رچاوه‌_ لبنان24



وشە - ڕێناس شابان


AM:10:48:15/04/2018




ئه‌م بابه‌ته 330 جار خوێنراوه‌ته‌وه‌‌