سبەی مووچەی ئەم شوێنانە دابەش دەكرێت
وەزارەتی دارایی و ئابووری حكوومەتی هەرێمی كوردستان ڕای گەیاند، سبەی مووچەی چەند وەزارەتێكی تری حكوومەتی هەرێمی كوردستان لەگەڵ هەرسێ سەرۆكایەتیەتییەكە دابەش دەكرێت.
بەپێی خشتەی دابەشكردنی مووچە كە لەلایەن وەزارەتی دارایی و ئابووری حكوومەتی هەرێمی كوردستانەوە ڕاگەیەنراوە، سبەی دووشەم 16ی نیسان/ ئەپریل، مووچەی وەزارەتی كشتوكاڵ و مووچەی سەرۆكایەتی هەرێم و موووچەی پەرلەمان و مووچەی ئەنجوومەنی وەزیران دابەش دەكرێت.
دابەشكردنی مووچە لە كاتێكدایە كە پێشتر حكوومەتی هەرێمی كوردستان ڕای گەیاندبوو ئیتر مانگانە مووچەی فەرمانبەرانی هەرێمی كوردستان دابەش دەكات بەپێی ئەو داهاتەی كە دەگاتە دەستی وەزارەتی دارایی و ئابووری هاوكات پاشەكەوتی مووچەی فەرمانبەرانیشی كەم كردەوە.
ماوەی چەند ساڵێكە بە چەند مانگێك جارێك مووچەی فەرمانبەرانی هەرێمی كوردستان دەدرێت ئەوەیش بەهۆی تەنگژەی دارایی و بڕینی بودجە لەلایەن بەغداوە سەرباری هێرشی میلیشیاكانی حەشدی شەعبی و داگیركردنی چەندان بیرە نەوت كە داهاتی هەرێمی كوردستان بووە.
وشە -
سه‌رخێڵ هاشم