كچه‌كه‌ی دووگیان كرد و به‌ منداڵه‌كه‌یه‌وه‌ كوشتی


پیاوێكی ئه‌مه‌ریكی دوای ئه‌وه‌ی پێوه‌ندی خۆشه‌ویستی له‌گه‌ڵ كچه‌ ونبووه‌كه‌ی دروست كرد، هاوسه‌رگیری له‌گه‌ڵ كرد و بوونه‌ خاوه‌نی منداڵێك، به‌ڵام له‌ ترسی پۆلیس هه‌ردووكیانی كوشت.

كێت كچێكی ئه‌مه‌ریكی دانیشتووی باكوری كارۆلینا بوو، له‌ منداڵییه‌وه‌ دایكی مردبوو و باوكی له‌ هه‌تیوخانه‌ فڕێی دابوو، له‌به‌ر ئه‌وه‌ خێزانێكی تر هه‌ڵیان گرته‌وه‌ و به‌ جوانترین شێوه‌ به‌خێویان كرد.

دوای ئه‌وه‌ی كچه‌كه‌ ته‌مه‌نی گه‌یشته‌ 18 ساڵ، هه‌وڵی دۆزینه‌وه‌ی خێزانه‌ ڕاسته‌قینه‌كه‌ی دا، تا باوكی و باوه‌ژن و برا زڕه‌كه‌ی دۆزییه‌وه‌، بڕیاری دا ئیتر له‌گه‌ڵ باوكی و خێزانه‌كه‌ی ژیان به‌سه‌ر به‌رێت، به‌ڵام ورده‌ ورده‌ پێوه‌ندیی سۆزداری له‌ نێوان خۆی و باوكی دروست بوو، تا وای لێ هات باوه‌ژنه‌كه‌ی پێی زانی.

بێگومان باوه‌ژنه‌كه‌ی ئه‌و ڕووداوه‌ی پێ قبووڵ نه‌كرا، له‌به‌ر ئه‌وه‌ كوڕه‌كه‌ی هه‌ڵگرت و ماڵی بۆ كێت و باوكی جێ هێشت، ئه‌وانیش سوور بوون له‌ پێوه‌ندییه‌كه‌یان و هاوسه‌رگیرییان كرد، بوون به‌ خاوه‌نی منداڵێك.

به‌ڵام میدیاكان كه‌ به‌م هه‌واڵه‌یان زانی، پۆلیسیان ئاگادار كرده‌وه‌، له‌به‌ر ئه‌مه‌ كچه‌كه‌ ترسا و چووه‌ لای ئه‌و ماڵه‌ی سه‌ره‌تا به‌خێویان ده‌كرد، به‌ڵام باوكی به‌رگه‌ی ئه‌و ژیانه‌ی نه‌گرت، بۆیه‌ به‌ چه‌كێك چووه‌ سه‌ر ماڵی پیاوه‌ به‌خێوكه‌ری كچه‌كه‌ی، پیاوه‌كه‌، كچه‌كه‌ی و منداڵه‌ حه‌وت مانگییه‌كه‌ی خۆی و كچه‌كه‌شی كوشت.

سه‌رچاوه‌_ لبنان24


وشە - ڕێناس شابان


PM:02:14:16/04/2018




ئه‌م بابه‌ته 8276 جار خوێنراوه‌ته‌وه‌‌