لە سۆران ژمارەیەك پڕۆژەی خزمەتگوزاری جێبەجێ دەكرێ
لە سنووری شارۆكەی سۆران سەر بە پارێزگای هەولێر كۆمەڵێك پڕۆژەی خزمەتگوزاری جێبەجێ دەكرێن و پڕۆژەكانیش سەرجیان لەسەر ئەركی وەزارەتی شارەوانی ئەنجام دەدرێت.
ئەمڕۆ یەكشەم 22ی نیسان/ ئەپریل، ئەمیر فاخر سەرۆكی شارەوانی سۆران بە "وشە"ی راگەیاند، بڕیارە ئەنجامدانی چەند پڕۆژەیەكی خزمەتگوزاری دراوە لە سۆران و بەزووترین كات جێبەجێی دەكەین كە پڕۆژەكان سەرجەمیان لەسەر ئەركی وەزارەتی شارەوانین.
زیاتر گوتی، ئەو پڕۆژانەی رەزامەندی وەرگیراوە پێكهاتوون، لە تەواوكردن و قیرتاوكردنی سایدی بارزانی نەمر و دروستكردنی دیواری پاڵپشت و لادانی خۆل لە جووت سایدی جوندیان و هەروەها تەواوكردنی چەندان پڕۆژەی خزمەتگوزاری لە ژمارەیەك گەڕەك و كۆڵانی سەنتەری سۆران.
شارۆكەی سۆران لە رووی كارگێڕیەوە سەر بە پارێزگای هەولێرە و سەنتەری هەرسێ شارۆكەی مێرگەسۆر و رواندز و چۆمانیشە، سۆران بە دووری 110 كیلۆمەتر دەكەوێتـە باكوری ڕۆژهەڵاتی شاری هەولێر و ژمارەی دانیشتووانی زیاتر لە 200 هەزار كەسە و خاوەنی 38 گەڕەكە .
سۆران/ موڕشید برادۆستی
وشە -
سهرخێڵ هاشم