سامسۆنگ یهكێكه له كۆمپانیا بهناوبانگهكانی دنیا بۆ دروستكردنی ئامێری تهكنهلۆجیای بههێز و ناوازه، ههروهها بۆ مانگی ئایاری ساڵی 2018 نوێترین مۆبایلی خسته بازاڕهكانهوه.
بهپێی ههواڵێك كه له ماڵپهڕی "
gadgets" دا بڵاو كراوهتهوه و باس له بهرههمه نوێیهكهی كۆمپانیای سامسۆنگ دهكات و دهڵێت، كۆمپانیای سامسۆنگ بۆ ساڵی 2018 مۆبایلێكی نوێی دروست كرد بهناوی "Galaxy J6" هوه، ئهم بهرههمه نوێیه به شێوازێكی زۆر جوان دیزاین كراوه و هێز و خێرایییهكی زۆری ههیه كه بووهته جێی سهرنجی كڕیارانی مۆبایلی گالاكسی.
كۆمپانیاكه لهبارهی تایبهتمهندییهكانی ئهم مۆبایلهوه دهڵێت، مۆبایله نوێكهی ئهم كۆمپانیایه پاترییهكی 3000 میلی ئهمپێری لهسهره و پرۆسێسهرێكی بههێزی ههیه كه دهگاته 250، جگه لهوهش كامێرایهكی بههێزی بۆ دانراوه كه كامێرای پێشهوهی ههشت مێگا پێكسڵه و كامێرای دواوهی 13 مێگا پێكسڵه، ههروهها شاشهیهكی روونی ههیه كه 5.60 ئینجه و روونییهكهی دهگات 720 به 1480 پیكسڵ.
لهگهڵ ئهوهیشدا ئهم كۆمپانیایه ئاماژهی بهوهش كردووه كه ڕامی ئهم مۆبایله نوێیه چوار گێگابایته و میمۆری ناوهكی له 32 گێگابایتهوه دهست پێ دهكات و دهگاته 128 گێگابایت، لهگهڵ ئهوانهشدا به سیستهمی ئهندرۆید 8.0 كار دهكات و نرخهكهشی دهگاته 170 دۆلاری ئهمهریكی.