بەهۆی گریزمان.. ئەتلەتیكۆ مەدرید بووە پاڵەوانی یۆروپا لیگ


یانەی ئەتلەتیكۆ مەدریدی ئیسپانی توانی جامی خولی ئەوروپا (یۆروپا لیگ)ی بە دەستبێنێ دوای بردنەوەی لە یانەی مارسیلیای فڕەنسی.

شەوی رابردوو هەردوو یانەی ئەتلەتیكۆ مەدرید و مارسیلیا لە شاری لیۆنی فڕەنسا لە یاریی كۆتای خولی ئەوروپا رووبەڕووی یەكتر بوونەوە، یانەكەی یەكەم توانی بە 3 گۆڵی بێ وەڵام یارییەكە بباتەوە.

لەو یارییەدا ئەنتوان گریزمانی ئەستێرەی فڕەنسی و هێرشبەری یانەی ئەتلەتیكۆ مەدرید ئاستێكی ناوازەی پێشكەش كرد و 2 گۆڵی بۆ یانەكەی لە خولەكانی 21 و 49 تۆمار كرد، گۆڵی سێیەمی یارییەكەش لەلایەن گابی كاپتنی یانە ئیسپانییەكەوە لە خولەكی 88 تۆمار كرا.

بەمەش یانەی ئەتلەتیكۆ مەدرید ژمارەی ناسناوەكانی خولی ئەوروپا (یۆروپا لیگ)ی كرد بە 3 ناسناو دوای ئەوەی لە ساڵانی 2009-2010 و 2011-2012 بەهەمانشێوە ناسناوەكانیان بردبووەوە.

بە ڤیدیۆ گۆڵەكانی یارییەكە ببینە:_



وشە - ئامانج ئه‌كره‌م


AM:09:31:17/05/2018




ئه‌م بابه‌ته 185 جار خوێنراوه‌ته‌وه‌‌