لە فەیسبووك خۆكوشتنەكەی ڕاگەیاند و ئەنجامی دا

گەنجێكی میسری بە هۆكارێكی نادیار پۆستێكی لە تۆڕی كۆمەڵایەتی فەیسبووك كرد، باسی لەوە كرد كە بەتەمایە خۆی بكوژێت و كۆتا بەو ژیانەی ئێستەی بێنێت، بۆیە خۆی خنكاند.

محەمەد یاسر گەنجێكی 15 ساڵی میسری بوو، لە هەژماری خۆی لە تۆڕی كۆمەڵایەتی فەیسبووك، پۆستێكی كرد و باسی لەوە كرد كە لە ژیان بێزارە و نایەوێت پێی بڵێن هەرزەكار و بڕیاری منداڵانەی داوە، بەڵام بڕیاری داوە خۆی بكوژێت، بۆیە نزای بۆ بكەن.

بۆیە لە كۆمێنتەكاندا هاوڕێ و خزمەكانی یان بە گاڵتە وەڵامیان دایەوە، یان لە هۆكارەكەیان پرسی، بەڵام هیچ وەڵامێكی نەدایەوە و ڕوونكردنەوەی بۆ بابەتەكە نەدا.

دوێنێ ئێوارەش پۆلیسەكانی میسر، لاشەی مردووی منداڵەكەیان لە دەریای مۆیس لە شاری زقایق دۆزییەوە، بۆیان دەركەوت كە ئەو گەنجەیە و بڕیارەكەی فەیسبووكی كردووە بە ڕاست.

تا ئێستە ئەو پۆلیسانە بە دوای هۆكاری ڕاستەقینەی ئەوەن كە بزانن ئەو گەنجە بۆچی وا لە ژیان بێزار بووە و وای لێ هاتووە خۆی بكوژێت، لێكۆڵینەوەكانیان بەردەوام دەبێت تا ئەنجامێكی گرنگیان بەدەست دەگات.

سەرچاوە_ فۆشیا




وشە - ڕێناس شابان


PM:12:07:21/05/2018




ئه‌م بابه‌ته 13425 جار خوێنراوه‌ته‌وه‌‌



زۆرترین خوێنراو‌
بابەتی پێوه‌ندار ‌