خواردنەوەی ئاو لە چ كاتێكدا زۆرترین سوودتان پێ دەگەیەنێت

بەیانیان زۆركات تەنیا بیر لە خواردنی نانی بەیانی یان بیر لە خواردنەوەی قاوەیەك دەكەینەوە، بەڵام باشترە بیر لەخواردنەوەی ئاو بكرێتەوە، پێش ژەمی بەیانی، چونكە بە ڕێژەیەكی زیاتر چەوری لەش دەسوتێنێت و هێزێكی زیاتر بە لەش دەدات.

بە خواردنەوەی ڕێژەیەكی باشی ئاو دەتوانیت لەش لە هەموو مادەیەكی زیانبەخش و پاشەرۆ پاك بكەیتەوە، پێویسە بەیانیان نزیكەی سێ پەرداخ ئاو بخورێتەوە، چونكە لەش بە چەندان كرداری جیاواز تێدەپەڕێت لە كاتی هەستان لە خەو، هەموو ئەو كردارانەش پێویستی بە شێداری لەشەوە هەیە، خواردنەوەی ئاو لە بەیانیاندا پلەی گەرمی لەش كەم دەكاتەوە و وا دەكات ئاستی وزەت باشتر ببێت.

بۆچی ئاو گرنگە بۆ لەش:
شێداری لەش زۆر گرنگە، كاتێك ئاو دەخۆیتەوە، چەندان سوودی گرنگ بە لەش دەگات وەكوو، هێشتنەوەی DNA، بەرهەمهێنانی شلەی لیمفی، رێكخستنی پلەی گەرمی لەش، دروستكردنی دەردراوەكانی هەرس، هێشتنەوەی شلەكانی تایبەت بە مێشك و بڕبڕەی پشت، خواردنەوەی ئاو یارمەتی بەرهەم هێنانی خوێن دەدات و  خوێن ڕێژەی %90 لە ئاو پێكدێت بۆیە خواردنەوەی ئاو زۆر گرنگ و پێویستە.

خواردنەوەی ئاو تەنیا بۆ وزەی لەش گرنگ نییە، بەڵكوو یارمەتی دابەزاندنی كێشی لەش دەدات. بەتایبەتی خواردنەوەی دوو بۆ سێ پەرداخ كوپ ئاو لە بەیانیان، میتابۆلیزم بەهێز دەكات و پلەی گەرمی لەش ئاسایی دەكاتەوە، بەپێی ئەو توێژینەوانەی لە گۆڤاری ئیندەوكرەنۆلەج و میتابۆلیزمی پزیشكی بڵاوكراوەتەوە، تێیدا دەركەوتووە، خواردنەوەی 500 ملیلیتر ئاو ئاستی زیندەپاڵ بە ڕێژەی %30 زیاد دەكات و لەش بڕێكی زۆر كالۆری دەسوتێنێت، بەبێ‌ ئەنجامدانی هیچ جوڵەیەكی جەستەیی.



وشە - ئاوات ئازاد


PM:02:46:09/06/2018




ئه‌م بابه‌ته 4417 جار خوێنراوه‌ته‌وه‌‌